Artsakhpress

Հասարակական

Հարությունագոմերում վերաբնակեցվել է յոթ ընտանիք, սիրով կընդունենք ևս երկուսին. համայնքապետ

ԱՀ Մարտակերտի շրջանի Հարությունագոմեր համայնքը 502 բնակիչ ունի. պատերազմի ավարտից հետո բոլորը գյուղ են վերադարձել:

Հարությունագոմերում վերաբնակեցվել է յոթ ընտանիք, սիրով կընդունենք ևս երկուսին. համայնքապետ

Հարությունագոմերում վերաբնակեցվել է յոթ ընտանիք, սիրով կընդունենք ևս երկուսին. համայնքապետ

ՍՏԵՓԱՆԱԿԵՐՏ, սեպտեմբերի 11, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է Հարությունագոմերի համայնքապետ Հենրիկ Սարգսյանը:

«Գյուղում վերաբնակություն են հաստատել տեղահանված յոթ ընտանիքներ: Մեր հայրենակիցներին սիրով ևս երկու տուն կարող ենք տրամադրել: Դպրոցի շենքը նորակառույց է, հաճախում է 75 աշակերտ։ Մանկապարտեզի շենքը նույնպես նորակառույց է . ունի 22 սան: Համայնքում գործում են համայնքային կենտրոն և բուժկետ, որոնց շենքերը վերանորոգման կարիք ունեն: Հանդիսությունների սրահը վերջերս է կառուցվել, բայց դեռևս չի կահավորվել: Գյուղն ապահովված է էլեկտրաէներգիայով, գազաֆիկացված չէ: Մինչ պատերազմը գազաֆիկացման անհրաժեշտություն չէր զգացվում, սակայն վերջերս էլեկտրաէներգիայի հաճախակի անջատումների պատճառով բնակչությունը կարիքը զգում է։Գյուղը ջրային ցանց չունի, աղբյուրներից ենք օգտվում: Ներհամայնքային ճանապարհները գտնվում են վատթար վիճակում։ Գյուղը մայրուղուն կապող ճանապարհն ասֆալտապատված է. դեպի մայրաքաղաք տրանսպորտ է գործում»,- նշեց Հ. Սարգսյանը:

Մեր զրուցակիցը տեղեկացրեց, որ Արցախյան 44-օրյա պատերազմի մասնակից համագյուղացիներից չորսը վիրավորվել են։

Համայնքապետի հավաստմամբ՝ բնակչության մեծամասնության զբաղվածությունն ապահովում է «Բեյզ Մեթլս» ընկերությունը։ Մարդիկ նաև այգիներն են մշակում, անասնապահությամբ զբաղվում։


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՄԱԿ-ի Միջազգային դատարանը ճանաչել է ԼՂ անկախությունը Ադրբեջանից․ ՀԴԿ

Պատարայից՝ Աստղաշեն. Արցախում նոր ճանապարհներ՝ աշխարհասփյուռ նվիրատուների միջոցներով

Ռուս խաղաղապահներն Արցախում արկեր են վնասազերծել. տեսանյութ

Հակառակորդի կրակոցից ժամկետային զինծառայող է զոհվել. ՀՀ ՊՆ

ՌԴ կառավարությունը հավանություն է տվել Վերին Լարսից ոչ հեռու նոր անցակետի տեղակայմանը

Վթարի են ենթարկվել ՊԲ զինծառայողները, մեկը մահացել է, 4-ի վիճակը ծանր է. ԱՀ ՊԲ

Ջրականում ականի վրա ադրբեջանցի է պայթել

Ադրբեջանը, հին ավանդույթի համաձայն, թաքցրել է մարտական կորուստները եւ դրանք ներկայացրել որպես դժբախտ դեպքեր

Ադրբեջանի պաշտպանության նախարարության տարածած հաղորդագրությունն ապատեղեկատվություն է. ՀՀ ՊՆ

Search