ՍՏԵՓԱՆԱԿԵՐՏ, սեպտեմբերի 14, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է Խնկավանի համայնքապետ Լորիկ Աբրահամյանը:

 

«Պատերազմից հետո գյուղում տեղահանված ընտանիքներ բնակություն չեն հաստատել:Բայց ազատ բնակֆոնդից ունենք 6 տուն. վերանորոգելուց հետո մեծ սիրով կտրամադրենք նրանց: Տեղի դպրոցը տարրական է. ունի 8 աշակերտ: 4-րդ դասարանն ավարտելուց հետո աշակերտները հաճախում են Խնկավան և Վաղուհաս գյուղերի արանքում կառուցված միջնակարգ դպրոց: Մանկապարտեզ չունենք. գյուղում մանապարտեզի ենթակա երեխաները շատ քիչ են։ Համայնքում գործում են համայնքային կենտրոն, բուժկետ և ակումբ, որոնց շենքերը վերանորոգման կարիք ունեն. հանդիսությունների սրահ չունենք: Գյուղամիջյան ճանապարհները գտնվում են նորմալ վիճակում: Գյուղը գազաֆիկացված չէ, սակայն անհրաժեշտությունը շատ է զգացվում: Ջրի խնդիր չունենք, և չենք էլ ունեցել »,- նշեց Լ.Աբրահամյանը:

 

Մեր զրուցակիցը ցավով տեղեկացրեց, որ Արցախյան 44-օրյա պատերազմի մասնակից համագյուղացիներից մեկը զոհվել է, մեկը՝ վիրավորվել, իսկ մեկն էլ մինչ օրս համարվում է անհայտ կորած:

 

Նրա  հավաստմամբ՝ տեխնիկայի բացակայության պատճառով գյուղացիները դադարել են զբաղվել գյուղատնտեսությամբ: Զբաղվածության ուղղություններից են անասնապահությունը, մեղվաբուծությունը: