Artsakhpress

Հասարակական

Մեհմանան վերաբնակեցման մեծ ներուժ ունի. համայնքի ղեկավար

Մարտակերտի շրջանի Մեհմանա համայնքի բնակիչների թիվը նվազման միտում ունի։

Մեհմանան վերաբնակեցման մեծ ներուժ ունի. համայնքի ղեկավար

Մեհմանան վերաբնակեցման մեծ ներուժ ունի. համայնքի ղեկավար

ՍՏԵՓԱՆԱԿԵՐՏ, սեպտեմբերի 14, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է Մեհմանայի համայնքապետ Ավագ Մկրդումյանը:

«Գյուղը հիմնվել է շատ վաղուց, չորս հույն հանքահանների կողմից, ովքեր տեղափոխվել են Արցախ՝ այստեղ աշխատելու: Հենց այդ պատճառով էլ մեր գյուղը ստացել է «հունական» անվանումը։ Մեր փոքրիկ գյուղում ազատ, բայց վերանորոգման կարիք ունեցող տներ շատ ունենք, որոնք մեծ սիրով կտարամադրենք տեղահանված մեր հայրենակիցներին։ Նրանք նոր շունչ կհաղորդեն մեր երբեմնի աշխույժ գյուղին։ Յոթ տարի է, ինչ դպրոցն ու մանկապարտեզը չեն գործում. դպրոցահասակ և մանապարտեզի ենթակա երեխաներ ունեցող ընտանիքները տեղափոխվել և հաստատվել են քաղաք Մարտակերտում: Գյուղամիջյան ճանապարհները բարվոք վիճակում են: Ունենք համայնքապետարան և բուժկետ։ Մեհմանան հարուստ է պատմամշակութային հուշարձաններով՝ «Պանայա»(1249 թ.) և Սբ. Աստվածածին(1228 թ.) եկեղեցիները, 13֊րդ դարի խաչքարը, հին դամբանաքարեր... Մեհմանան շրջակայքի ամենահարուստ գյուղն էր. շատ էին մրգատու ծառերը, հատկապես՝ խնձորենիները»,֊ տեղեկացրել է մեր զրուցակիցը։

Նա ափսոսանքով պատմեց, որ գյուղի՝ իրարից հեռու, լքված բնակելի տների այգիներում բերքից ճկվում են մրգատու ծառերը, և ամենուր ամառային խնձորի բույրն է տարածվում։


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Էլեկտրաէներգիայի սակագների փոփոխության վերաբերյալ որոշումն ուժը կորցրած է ճանաչվել. Հայկ Խանումյան

Ադրբեջանական սադրանքի հետևանքով հայկական կողմն ունի 3 զոհ․ ՀՀ ՊՆ

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ՀՀ ԳՇ պետի տեղակալ

Ռուսական ուժերը ոչնչացրել են «Բայրաքթար» դրոնների կառավարման վերերկրյա կայանը

ՀայՓոստ նշած բոլոր շահառուների դրամական աջակցության փոխանցումները կատարվել են. ԱՀ բնակարանային հարցերի կոմիտե

Ադրբեջանի ԶՈւ-ն ականանետերի և խոշոր տրամաչափի հրաձգային զինատեսակների կիրառմամբ կրակ է բացել հայ-ադրբեջանական սահմանի արևելյան ուղղությամբ

Ստեփանակերտում Կոմիտասի ծննդյան 153-ամյակին նվիրված երեկո է կազմակերպվել

Փայլանը՝ Թուրքիայի իշխանություններին․ «Նախ ներողություն խնդրեք հայերից, քրդերից և ասորիներից»

Համայնքի տարածքում բացօթյա առևտրի թույլտվության համար սահմանվել է օրական 100-350 դրամի չափով տեղական տուրք

Search