Artsakhpress

Հասարակական

Հադրութի գույները՝ Ստեփանակերտում. 50֊ամյա Արվեստի դպրոցի մասին պատմում է տնօրենը

Հադրութի Արվեստի դպրոցն ունի 50 տարվա պատմություն: Սկզբում եղել է Մանկական երաժշտական դպրոց, հետո վերանվանվել է Երաժշտական դպրոց, այսօր էլ՝ Հադրութի Արվեստի դպրոց:

Հադրութի գույները՝ Ստեփանակերտում. 50֊ամյա Արվեստի դպրոցի մասին պատմում է տնօրենը

Հադրութի գույները՝  Ստեփանակերտում. 50֊ամյա Արվեստի դպրոցի մասին պատմում է տնօրենը

ՍՏԵՓԱՆԱԿԵՐՏ, 20 սեպտեմբերի, ԱՐՑԱԽՊՐԵՍ։Հաստատության կոլեկտիվը երեք պատրերազմ է տեսել: 2020 թվականի 44-օրյա պատերազմից հետո այն վերաբացվել է Ստեփանակերտի Կոմիտասի անվան երաժշտական դպրոցի նկուղային հարկում, որտեղ տնօրինությունն ու աշակերտները փորձում են ամեն գնով պահպանել Հադրութից բերած արվեստն ու մշակույթը:

Բնութագրությունը հասանալի չէ

Դպրոցի վերաբացման, առկա խնդիրների և դրանց հաղթահարման մասին «Արցախպրես»-ի թղթակիցը զրուցել է տնօրեն Տաթևիկ Մկրտչյանի հետ: «Նոյեմբերի 9-ի համաձայնագրից հետո, բնականաբար, բոլորս դեռ գտնվում էինք Երևանում: Եվ քանի որ Հադրութի շրջանն անցել է թշնամուն, մենք պետք է մեր գործունեությունը վերսկսեինք լրիվ այլ կերպ ու այլ պայմաններում: Ունեինք ընտրության հնարավորություն՝ դպրոցը վերաբացել Երևանում կամ Արցախում: Բնականաբար, մենք րոպե առաջ ուզում էինք վերադառնալ Արցախ ու գործունեություն ծավալել այստեղ: Այդ կարևոր հարցում մեզ իր աջակցությունն է ցուցաբերել ԱՀ ԿԳՄՍ նախարար Լուսինե Ղարախանյանը, ինչի համար երախտապարտ ենք նրան: Նոր հասցեում գործում ենք 2021թ. մարտի 1-ից։ Կարողացանք պարապմունքներին ընդգրկել դպրոցի սաներից 68-ին:

Բնութագրությունը հասանալի չէ

Ընթացքում Արցախ վերադարձած հադրութցի ընտանիքների երեխաները մեզ միացան նոր ուսումնականի սկզբից։ Այժմ ունենք 120 աշակերտ»,- պատմել է Տ. Մկրտչյանը:

Բնութագրությունը հասանալի չէ

Մեր զրուցակիցը Արվեստի դպրոցի վերաբացումը համարում է համախմբման, միասնական լինելու արդյունք, ինչը հնարավորություն է տալիս փայփայելով պահել Հադրութի արվեստն ու մշակույթը:
«Դպրոցում գործում են դաշնամուրի, երգեցողության, կիթառի, դհոլի, քանոնի, ակորդեոնի, շվիի, պարարվեստի, թատերարվեստի, գորգագործության, կարպետագործության, հուլունքագործության, գոբելենի, կարուձևի, նկարչության, մանրանկարչության բաժիններ:
Այստեղ դասավանդում են բնիկ հադրութցի ուսուցիչներ: Երեխաների ուսումը կազմակերպվում է անվճար հիմունքներով: Նրանք մեծ սիրով ու ուրախությամբ են հաճախում դասերին. դպրոցը նրանց համար փոքրիկ Հադրութն է: Մենք նպատակ ենք ունեցել մեկ հարկի տակ հավաքել մեր սաներին, և դա մեզ հաջողվել է: Իսկ հայրենի եզերքի հանդեպ ունեցած կարոտն ու կորստի ցավը երեխաներին ստիպում են հուսալ, որ մի օր նորից կվերադառնանք»,- նշել է նա:
Խոսելով Արվեստի դպրոցում առկա խնդիրների մասին՝ տնօրենն առաջնահերթ է համարել շենքային պայմանները:

Բնութագրությունը հասանալի չէ

«Շատ ենք ուզում ունենալ շենքային հարմարավետ պայմաններ: Հույս ունենք, որ առաջիկայում այդ խնդիրը ևս կլուծվի: Ուզում եմ շնորհակալություն հայտնել մեր երկրի ղեկավարությանը ու հատկապես նախագահ Արայիկ Հարությունյանին, որ ամեն րոպե ցանկացած հարցում մեր կողքին են: Իրոք, մենք զգում ենք նրանց հոգատարությունը, ջերմությունն ու նվիրվածությունը հադրութցու ու, հատկապես, մեր Արվեստի դպրոցի նկատմամբ»,- ընդգծել է մեր զրուցակիցը:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ԱՍՄՀ նախարարությունը ներկայացրել է 50 հազար դրամ միանվագ դրամական աջակցության շահառուների ցանկը

Քովիդի դեմ պայքարը խստացվում է. որոշումն ուժի մեջ է մտնում հոկտեմբերի 13-ից

Ունենք վիրավորներ. այս պահին շփման գծի ողջ երկայնքով իրավիճակը հարաբերական կայուն է. ՊԲ

Աջակցության նոր ծրագրով դեկտեմբերին միանվագ ֆինանսական աջակցություն կտրամադրվի սոցիալական որոշ խմբերի

Նախագահը ստորագրել է ««Զենքի մասին» օրենքում փոփոխություն կատարելու մասին» օրենքը և այլ օրենքներ

ՀՀ կառավարությունն Արցախից տեղահանվածներին դրամական նոր աջակցություն կտրամադրի

Արական սեռի քաղաքացիներին անձնագրերը կտրամադրվեն ոչ թե մինչև 18, այլ մինչև 19 տարին լրանալը

Ադրբեջանը հայտարարել է, որ Հայաստանի պահանջով «ռազմավարի պուրակից» հեռացրել է բոլոր մանեկեններն ու սաղավարտները

Ադրբեջանական կողմի կրակոցներից Արցախի խաղաղ բնակիչ է զոհվել. ՌԴ ՊՆ հայտարարությունը

Search