Artsakhpress

Սփյուռք

Ժնևում Հայաստանի անկախության տարեդարձն ու Խաղաղության միջազգային օրը կնշվեն մեծ համերգով

Հայաստանի երրորդ Հանրապետության անկախության և Խաղաղության միջազգային օրվա առթիվ «Musika» ասոցիացիան նախաձեռնել է համերգային երեկո, որը տեղի կունենա սեպտեմբերի 21-ին Ժնևի հայտնի Ալամբրա սրահում:

Ժնևում Հայաստանի անկախության տարեդարձն ու Խաղաղության միջազգային օրը կնշվեն մեծ համերգով

Ժնևում Հայաստանի անկախության տարեդարձն ու Խաղաղության միջազգային օրը կնշվեն մեծ համերգով
ՍՏԵՓԱՆԱԿԵՐՏ, 21 սեպտեմբերի, ԱՐՑԱԽՊՐԵՍ։ Համերգին ելույթ կունենան աշխարհում հեղինակություն վայելող երաժիշտներ Լևոն Մինասյանը (դուդուկ) և Դաֆեր Յուսեֆը (ուդ և վոկալ) իրենց խմբերով:
«Արմենպրես»-ի թղթակցի հետ զրույցում «Musika» ասոցիացիայի պրոդյուսեր Անի Գասպարյանն ասաց, որ երաժիշտները հանդես կգան նաև համատեղ կատարումներով՝ հնչեցնելով Կոմիտասի, Սայաթ-Նովայի և այլ հեղինակների ստեղծագործություններ:
«Հանդիսատեսը կկարողանա ճանապարհորդել Միջին Արևելքի երաժշտական պատմության միջով՝ ականատես լինելով մշակութային երկխոսության: Վերջին ժամանակներում Միջին Արևելքի ամբողջ տարածքը զերծ չմնաց աշխարհաքաղաքական ընդհարումներից, և բավական անհանգստացնող իրադարձությունները մեզ հանգեցրին այն մտքին, որ միայն երաժշտության և արվեստի միջոցով հնարավոր կլինի հաշտեցնել, երկխոսել ու ճանապարհ գտնել դեպի խաղաղություն»,- ընդգծեց Անի Գասպարյանը:
Նա ասաց, որ Լևոն Մինասյանը ամբողջ աշխարհում ներկայացնում է Հայաստանը խորհրդանշող դուդուկը և բազմաթիվ հայտնի ֆիլմերի երաժշտության հեղինակ է: Երաժիշտը հանդես է եկել այնպիսի արտիստների հետ, ինչպիսիք են Շառլ Ազնավուրը, Սթինգը և այլք: Իսկ Դաֆեր Յուսեֆը ուդ է նվագում և երգում: Յուսեֆն ինքնուս երաժիշտ է, երգահան և հանդես է գալիս տարբեր ոճերում: Անի Գասպարյանը հիշեցրեց, որ տարիներ առաջ Յուսեֆի խմբում է նվագել նաև Տիգրան Համասյանը: Խմբի համերգները մշտապես մեծ բավականություն են պատճառել հանդիսատեսին: Այս համերգին նա համագործակցելու է նորվեգացի հայտնի կիթառահար Էիվինդ Արսեթի հետ:
Անի Գասպարյանի խոսքով՝ երեկոյին ելույթ կունենան նաև Ժնևի կոնսերվատորիայի ուսանողները. «Նրանք կկատարեն գործեր հայկական ժողովրդական երգերի մոտիվներով: Ինձ համար հուզիչ է, որ ուսանողները հայ չեն, սակայն այդքան մաքուր ու գեղեցիկ են մատուցում մեր երաժշտությունը»,- խոստովանեց պրոդյուսերն ու տեղեկացրեց, որ համերգին ներկա կլինեն Ժնևում Հայաստանի արտակարգ և լիազոր դեսպան Անդրանիկ Հովհաննիսյանը, այլ պաշտոնյաներ, հայ և օտարազգի երաժշտասերներ: Երեկոն լուսաբանվելու է շվեյցարական մեդիահարթակներում:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՀՀ կառավարությունը հաստատել է Արցախի տեղահանված կամ բնակելի անշարժ գույքը կորցրած քաղաքացիներին դրամական օգնություն տրամադրելու որոշումը

Ունենք վիրավորներ. այս պահին շփման գծի ողջ երկայնքով իրավիճակը հարաբերական կայուն է. ՊԲ

Արական սեռի քաղաքացիներին անձնագրերը կտրամադրվեն ոչ թե մինչև 18, այլ մինչև 19 տարին լրանալը

Ամենայն հավանականությամբ, վաղը Հայաստան կվերադառնա գերիների նոր խումբ․ աղբյուր

Ադրբեջանը հայտարարել է, որ Հայաստանի պահանջով «ռազմավարի պուրակից» հեռացրել է բոլոր մանեկեններն ու սաղավարտները

Հայտնի են Բաքվից վերադարձող 5 գերիների անունները. Sputnik Արմենիա

Որևէ մեկի կյանքին վտանգ չի սպառնում. պետնախարարն այցելել է վիրավորներին

Պատերազմ հնարավոր չէ. Դավիթ Բաբայանը տեղեկություններ հաղորդեց Արցախի իրավիճակից

Պուտին. Լեռնային Ղարաբաղում հրադադարի ռեժիմի երաշխավորը ռուս խաղաղապահներն են

Search