Artsakhpress

Հասարակական

«Այբ»-ը նոր ծրագիր է նախաձեռնել. մասնակցել կարող են նաև արցախցիները

«Այբ» կրթական հիմնադրամը նախաձեռնել է նոր՝ «Այբ հիբրիդային կրթություն» ծրագիր, որը միջազգայնորեն մրցունակ և համապարփակ կրթական մոդել է՝ հիմնված «Արարատյան Բակալավրիատ» (ԱԲ) ծրագրի վրա։

«Այբ»-ը նոր ծրագիր է նախաձեռնել. մասնակցել կարող են նաև արցախցիները

«Այբ»-ը նոր ծրագիր է նախաձեռնել. մասնակցել կարող են նաև արցախցիները

ՍՏԵՓԱՆԱԿԵՐՏ, 24 սեպտեմբերի, ԱՐՑԱԽՊՐԵՍ։ Այն նախագծային կրթություն է, որը նախատեսված է Հայաստանի և Արցախի հանրակրթական դպրոցների 10-րդ դասարանցիների (ինչպես նաև՝ քոլեջների և ուսումնարանների) համար։

Այս մասին «Արցախպրես»-ին հաղորդեցին ԱՀ ԿԳՄՍ նախարարությունից։

«Ծրագրի նպատակն ավագ դպրոցների աշակերտների մասնագիտական կողմնորոշմանը նպաստելն է, նրանց մոտ գործնական մտածողության, հետազոտական և վերլուծական հմտությունների ձևավորումն ու զարգացումը, երկրին նվիրված, սեփական ինքնությանն ու արժեքներին հաղորդակից երիտասարդների համայնքի ձևավորումը։ «Այբ» հիբրիդային կրթությունն անցկացվելու է մեծամասամբ առցանց։ Կրթությունն ամբողջովին անվճար է։ Նախատեսվում է ընտրել մինչև 120 մասնակցի։ Մասնակիցներից կկազմվեն նախագծային թիմեր։ Յուրաքանչյուր թիմ կունենա մեկ ղեկավար, որը կուղղորդի և կաջակցի թիմին՝ նախագծի ամբողջ ընթացքում»,- մեզ հետ զրույցում ասաց ԱՀ ԿԳՄՍ նախարարության մամուլի պատասխանատու Մերի Սարդարյանը՝ հավելելով, որ ծրագիրը կմեկնարկի 2021 թվականի նոյեմբերի 1-ից և կավարտվի 2023-ի մայիսին։

Մեր զրուցակցի տեղեկացմամբ՝ աշակերտի շաբաթական զբաղվածությունը լինելու է մինչև 10 ժամ։ «Կրթական ծրագիրն ունի մի շարք առավելություններ՝ իրական խնդիրների լուծում, տարբեր առարկաներից գիտելիքների համադրված կիրառում, «Փափուկ» հմտությունների զարգացում՝ թիմային աշխատանքի միջոցով, նախագծի ուղղությունից կախված՝ մեկ մասնագիտական առարկայի խորացված ուսուցում, ապագա մասնագիտությունն ընտրելու փորձադաշտ, քաղաքացիական ակտիվության և հասարակական կյանքին մասնակցության խթանում»,- ընդգծել է նա։

Առցանց դիմումներն ընդունվում են մինչև սեպտեմբերի 29-ը։ «Այբ հիբրիդային կրթություն» ծրագրին կարելի է դիմել՝ լրացնելով հետևյալ առցանց դիմումը՝ https://ahl.ayb.am/։

Լրացուցիչ հարցերի դեպքում ցանկացողները կարող են զանգահարել հետևյալ հեռախոսահամարներով՝ + 374 98 543 707 + 374 77 010 863, կամ նամակ ուղարկել hybridlearning@ayb.am էլեկտրոնային հասցեին։


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ովքեր կարող են մասնակցել «Գրին քարտի» խաղարկությանը, ինչ քայլերի պետք է հետևել․ ԱՄՆ Պետքարտուղարության Հյուպատոսական ծառայությունների բյուրո

«Նախընտրել եմ Արցախ վերադառնալ ու շենացնել հայրենիքս». Հադրութից տեղահանված և Հաթերքում հաստատված բնակիչ (լուսանկարներ)

Արցախում կորոնավիրուսից մահվան դեպք է գրանցվել

Արցախից տեղահանված քաղաքացիներին ուղղված աջակցության ծրագրի շրջանակում դիմումները կընդունվեն հոկտեմբերի 28-ից. ՀՀ սոցապնախարարություն

«Մարտական խաչ 1-ին աստիճան»-ի շքանշանակիր Օնիկ Հովսեփյանի հիշատակին հուշաղբյուր և խաչքար է կանգնեցվել (լուսանկարներ)

Բանակը ցրելու մասին նախագահին վերագրվող հայտարարություններն իրականությանը չեն համապատասխանում․ խոսնակ

Զախարովա․ ԱՄՆ-ն խոչընդոտում է «3+3» նախաձեռնության իրականացմանը

Արցախում կորոնավիրուսից մահվան երկու դեպք է գրանցվել

Ադրբեջանցիները հափշտակել են Ճարտար քաղաքի բնակչի 32 կովն ու 13 հորթը. ՔԿ

Search