ՄԱԿ-ը պետք Է արգելափակի ապստամբ-հուսիների ֆինանսական ցանցը, անհատական պատժամիջոցները չեն աշխատում:
Եմենի ԱԳՆ-ն ՄԱԿ-ին կոչ է արել՝ արգելափակել հուսիների ֆինանսական ցանցը
ՍՏԵՓԱՆԱԿԵՐՏ, 24 սեպտեմբերի, ԱՐՑԱԽՊՐԵՍ-ԱՐՄԵՆՊՐԵՍ:ՌԻԱ Նովոստիին հայտարարել Է Եմենի ԱԳ նախարարության ղեկավար Ահմեդ Ավադ բեն Մուբարաքը:
«Պատժամիջոցներ արդեն կան: Ես կարծում եմ, որ դրանք պետք ավելի խելամտորեն օգտագործել: Ես նկատի ունեմ, որ անհրաժեշտ Է պատժամիջոցներ սահմանել նրանց ֆինանսական ցանցի նկատմամբ, այլ ոչ թե առանձին մարդկանց»,-ասել Է նախարարը:
Դիվանագետը նաեւ հայտարարել Է, որ ՄԱԿ-ը եւ միջազգային հանրակցությունը պետք Է ավելի ակտիվ ճնշում գործադրեն, որպեսզի հուսիներին հարկադրի հրադադարի:
Նրա խոսքով՝ ՄԱԿ-ի Անվտանգության խորհուրդը պետք Է դրա համար գործի դնի իր տրամադրության տակ եղած առկա ողջ գործիքակազմը: 2014 թվականի օգոստոսից Եմենում շարունակվում Է դիմակայությունը կառավարական ուժերի ու հուսիների միջեւ:
Այն առավել ակտիվ փուլ Է անցել 2015 թվականի մարտին արաբական կոալիցիայի ներխուժումից հետո, որը գլխավորում Է Սաուդյան Արաբիան: Արաբական կոալիցիան՝ Սաուդյան Արաբիայի գլխավորությամբ, աջակցում Է Եմենի նախագահ Աբադ Ռաբբո Մանսուր Հադիի զորքերին՝ հուսի ապստամբների հետ նրանց դիմակայության գործում, որոնք վերահսկում են երկրի մի մասը: Արեմուտքում հայտարարում են, որ խռովարարներին օգնում Է Իրանը:
