Այսօր՝ սեպտեմբերի 27-ին՝ Արցախյան 44-օրյա պատերազմի տարելիցի օրը, ի հիշատակ պատերազմում հանուն հայրենիքի պաշտպանության ընկած քաջորդիների, Արցախի Հանրապետության սպորտի ոլորտի ներկայացուցիչները, Ստեփանակերտի դպրոցականները հարգանքի տուրք են մատուցել Ազատամարտիկների պուրակում տեղադրված զոհվածների հիշատակը հավերժացնող հուշապաստառների մոտ:
Սպորտի ոլորտի ներկայացուցիչները նահատակված հերոսների հիշատակին հարգանքի տուրք են մատուցել
ՍՏԵՓԱՆԱԿԵՐՏ, 27 սեպտեմբերի, ԱՐՑԱԽՊՐԵՍ։ Ներկաները մեկ րոպե լռությամբ հարգեցին հերոսամարտիկների անմար հիշատակն ու ծաղիկներ խոնարհեցին նրանց նկարների առջև:
«Օրվա խորհուրդը բոլորիս համար շատ ծանր է, և ցավալի ապրումներ ենք ունենում: Ցավոք սրտի, մեր հերոսների լուսանկարների առաջ հարգանքի տուրք մատուցելով, ինչ-որ տեղ մեծ պատասխանատվություն ենք զգում նրանց կատարածի, կյանքի ու թողած պատգամի համար:
Միջոցառմանը ներկա էին ԱՀ ԱԺ պատգամավորներ, զոհվածների հարազատներ, մտավորականներ։
