ԱՀ Քաշաթաղի շրջանի Աղավնո համայնքի Սուրբ Նահատակաց եկեղեցում նախօրեին համայնքի շուրջ վեց տասնյակ բնակիչներ մկրտություն են ստացել։
Աղավնոյի Սուրբ Նահատակաց եկեղեցում համայնքի մի խումբ բնակիչներ մկրտություն են ստացել
ՍՏԵՓԱՆԱԿԵՐՏ, 4 հոկտեմեբրի, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասաց Աղավնո համայնքի ղեկավար Անդրանիկ Չավուշյանը: «Մեր համագյուղացիների հետ զրուցելով՝ նախաձեռնել ենք խմբային մկրտություն, քանի որ մենք հայ առաքելական եկեղեցուն հավատարիմ քրիստոնյա ժողովուրդ ենք:
Այս կերպ էլ ավելի ամուր կլինի հասարակություն-եկեղեցի կապը, մենք կհամախմբվենք, կպահպանենք մեր հայկական ավանդույթները: Արցախցին կապրի և կարարի իր հողում, քանի իր կամքի ու որոշման տերն է»,- նշեց Ա. Չավուշյանը:
Արցախի թեմի հոգևոր հովիվ Տեր Բենիամին քահանա Ծատուրյանի խոսքով՝ Արցախի թեմի առաջնորդ գերաշնորհ Տեր Վրթանես եպիսկոպոս Աբրահամյանի գլխավորությամբ և քահանաների մասնակցությամբ իրականացրեցին մկրտություն՝ ի լուր քրիստոնյա աշխարհի: «Շատ ողջունելի է Աղավնո համայնքի բնակիչների մկրտվելու ցանկությունը՝ հատկապես հիմա, որովհետև մկրտությունը քրիստոնյա դառնալու առաջին նախապայմանն է:
Նման նախաձեռնությունը շատ կարևոր է մեր պետության համար, քանի որ մենք առաջին քրիստոնյա ժողովուրդն ենք»,- ասաց Տեր Բենիամին քահանա Ծատուրյանը:
Լուսանկարները՝ Տիգրան Գասպարյանի