Այսօր՝ հոկտեմբերի 10-ին, Արցախի Հանրապետության Մարտունու շրջանի Հերհեր համայնքի ղեկավարի ընտրություն է անցկացվում:
Հերհերում անց է կացվում համայնքի ղեկավարի ընտրություն
Տեղամասային հանձնաժողովի նախագահ Սարգիս Գրիգորյանը մեզ հետ զրույցում նշեց, որ Հերհեր համայնքի ղեկավարը, ցավոք, զոհվել է Արցախյան 44-օրյա պատերազմի ժամանակ, և համայնքի ղեկավարի պարտականությունները ժամանակավոր կատարում էր այժմյան թեկնածուն:
«Հերհեր համայնքի 5/1 ընտրատեղամասում գրանցված է 399 ընտրող : Ժամը 14։00-ի դրությամբ 121 ընտրող արդեն քաղաքացիական պարտքը կատարել է: Ընտրություններն անցնում են բնականոն հունով, օրենքի պահանջին համապատասխան, և որևէ ընտրախախտում չի գրանցվել: Հանձնաժողովը, անհրաժեշտության դեպքում, բացատրում և օգնում է գյուղացիներին: Ընտրական գործընթացին հետևելու համար ընտրատեղամաս են այցելել դիտորդներ ոչ միայն Արցախից, այլև Հայաստանից», - նշեց Ս. Գրիգորյանը: