Artsakhpress

Քաղաքական

Համոզված եմ՝ ռուս խաղաղապահների Արցախում մնալու ժամկետը երկարաձգվելու է, քանի դեռ հակամարտությունը կարգավորված չէ. պետնախարար

Լեռնային Ղարաբաղի գրեթե 150 հազար բնակիչներից պատերազմից հետո վերադարձել կամ տեղում մնացել է մոտ 120 հազարը։

Համոզված եմ՝ ռուս խաղաղապահների Արցախում մնալու ժամկետը երկարաձգվելու է, քանի դեռ հակամարտությունը կարգավորված չէ. պետնախարար

Համոզված եմ՝ ռուս խաղաղապահների Արցախում մնալու ժամկետը երկարաձգվելու է, քանի դեռ հակամարտությունը կարգավորված չէ. պետնախարար

ՍՏԵՓԱՆԱԿԵՐՏ, 25 հոկտեմեբրի, ԱՐՑԱԽՊՐԵՍ։ Այս մասին ռուսական «Ռեգնում» լրատվական գործակալությանը տված հարցազրույցում հայտարարել է Արցախի Հանրապետության պետական նախարար Արտակ Բեգլարյանն՝ ընդգծելով, որ դա լավագույն ցուցիչն է այն մեծ վստահության, որ տեղի ժողովուրդն ունի առաջնահերթորեն ռուս խաղաղապահ զորակազմի նկատմամբ։ Դա նաև ցույց է տալիս մեր ժողովրդի վճռականությունն ու կամքը՝ նույնիսկ նման դժվար պայմաններում ապրելու և արարելու սեփական հայրենիքում:

«Ավելին ասեմ՝ չնայած ադրբեջանական կողմի բոլոր ջանքերին, հրադադարի ռեժիմի կոպիտ խախտումներին և ռազմական ու հոգեբանական ճնշումներին՝ առ այսօր միգրացիոն սալդոն դրական է: ՀՀ-ում ժամանակավորապես բնակվող տեղահանվածների մեծ մասը Արցախ վերադառնալու ցանկություն ունի, պարզապես ազատ բնակֆոնդի սղության պատճառով դեռևս չեն կարողանում գալ»,- ասել է Արտակ Բեգլարյանը՝ պատասխանելով Ռուսաստանի Դաշնության երաշխավորությամբ Արցախ վերադարձածների թվի ու նրանց տրամադրվածությունների մասին հարցին:

Անդրադառնալով ռուս խաղաղապահների ներկայության ժամկետներին ու արցախահայության անելիքներին՝ պետական նախարարը նշել է, որ պետք չէ 4 տարին դիտարկել՝ որպես ճամփաբաժան, քանի որ, համոզված է, որ ռուս խաղաղապահների մնալու ժամկետը երկարաձգվելու է, որովհետև հակամարտությունը չի կարգավորվել և Ադրբեջանն էլ շարունակում է Արցախը հայաթափելու իր քաղաքականությունը:

«Ուստի, քանի դեռ առկա է արցախահայության ցեղասպանության վտանգը և մեր բնակչության միաձայն ցանկությունը խաղաղապահների կողմից անվտանգության երկարաժամկետ ու կայուն երաշխիքներ ստանալու առումով, կարծում եմ, նրանց դուրս գալու հարցը չպետք է նույնիսկ քննարկվի: Մեր բնակչության ցանկությունը և անվտանգային կարիքները առաջնահերթ գործոններն են խաղաղապահների երկարաժամկետ մանդատի հարցի որոշման համար:

Այնուամենայնիվ, մենք ակնկալում ենք, որ այս հակամարտությունը հավերժ չի տևելու, և պատրաստ ենք դրա քաղաքական կարգավորմանը՝ մեր իրավունքների ու շահերի լրիվ հաշվի առնմամբ և Ադրբեջանի կազմում երբևէ չլինելու անառարկելի նախապայմանով: Տեսնելով ադրբեջանական կողմի դիրքորոշումներն ու գործողությունները և նրանց մոտ տիրող հայատյաց խորը տրամադրությունները՝ գիտակցում ենք, որ հակամարտության համապարփակ ու վերջնական կարգավորումը կարող է հնարավոր դառնալ միայն տասնամյակներ անց: Տարածաշրջանի բոլոր ժողովուրդները արժանի են ապրելու խաղաղ ու արժանապատիվ պայմաններում իրենց հայրենի հողում»,- ասել է Բեգլարյանը:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Մարտակերտի բնակիչը կատարել է գողություն եւ սպանություն, հափշտակել ռազմամթերք ու ապօրինի պահել այն. ԱՀ դատախազություն

Ադրբեջանի զինվորականները բռնություն են գործադրել ու սպանել Արցախի Հանրապետության քաղաքացուն. ԱԱԾ

Տեղի է ունեցել Ցորի հրետանային դիվիզիոնի զինծառայողների հոգեհանգիստը

Ադրբեջանը 10 զինծառայող է փոխանցել Հայաստանին

Ադրբեջանը Արցախի քաղաքացու է գերի վերցրել. ռուս խաղաղապահները բանակցում են

Ադրբեջանն ընտրվել է ՅՈՒՆԵՍԿՕ-ի զինված բախումների ընթացքում մշակութային արժեքների պաշտպանության կոմիտեի անդամ

Հանրապետության բոլոր հանրակրթական դպրոցներում ուսումնական գործընթացն իրականացվելու է առկա

Ամանորյա նվերներ ստանալու համար կկատարվի նախադպրոցական տարիքի երեխաների գրանցում

Պաշտոնական փաստաթղթում կեղծ տեղեկություններ են մտցվել ԱՀ քաղաքացուն պատվաստելու վերաբերյալ․ ԱԱԾ

Search