Artsakhpress

Հասարակական

Ամենայն Հայոց Կաթողիկոսն իր օրհնությունն ու բարեմաղթանքները փոխանցեց նորընծա սարկավագներին

Հոկտեմբերի 25-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց սույն թվականի հոկտեմբերի 10-ին Երևանի Սուրբ Գրիգոր Լուսավորիչ մայր եկեղեցում սարկավագական ձեռնադրության արժանացած Գևորգյան հոգևոր ճեմարանի Զ լսարանի 25 սաներին՝ ուղեկցությամբ Մայր Աթոռի լուսարարապետ Գերաշնորհ Տ. Մուշեղ եպիսկոպոս Բաբայանի և Գևորգյան հոգևոր ճեմարանի տեսուչ Հոգեշնորհ Տ․ Շահե ծայրագույն վարդապետ Անանյանի։

Ամենայն Հայոց Կաթողիկոսն իր օրհնությունն ու բարեմաղթանքները փոխանցեց նորընծա սարկավագներին

Ամենայն Հայոց Կաթողիկոսն իր օրհնությունն ու բարեմաղթանքները փոխանցեց նորընծա սարկավագներին
ՍՏԵՓԱՆԱԿԵՐՏ, 26 հոկտեմեբրի, ԱՐՑԱԽՊՐԵՍ։ Հանդիպմանը Մուշեղ Սրբազանը Նորին Սրբությանը ներկայացրեց նորընծա սարկավագներին՝ վստահեցնելով, որ նրանցից յուրաքանչյուրը  լիովին գիտակցում է իր կոչման կարևորությունն ու  առաքելությունը։
Այնուհետև Ամենայան Հայոց Կաթողիկոսն իր օրհնությունն ու բարեմաղթանքները փոխանցեց ճեմարանականներին՝ շնորհավորելով սարկավագ ձեռնադրվելու կապակցությամբ։ Նորին Սրբությունը նորընծա սարկավագներին պատգամեց մշտապես հավատարիմ մնալ իրենց ուխտին, ամենուր և ամենժամ նվիրյալ ծառայություն իրականացնել Հայ Եկեղեցու անդաստանում, կյանքի տարբեր իրավիճակներում դրսևորել Սուրբ Ստեփանոս Նախասարկավագի նախանձախնդրությունն ու զոհողության ոգին:
Հայոց Հովվապետը հորդորեց ճեմարանական սարկավագներին իրենց վարքագծով և անձնվեր ծառայասիրությամբ հավելել Հայոց Եկեղեցու և Հայրենիքի պատիվն ու համբավը՝ ընդօրինակելով արցախյան 44-օրյա պատերազմի ընթացքում անսակարկ և աննահանջ ծառայությունն իրականացրած եկեղեցականների նվիրումն ու ինքնազոհողության բարձր գիտակցումը:
Իր հերթին ճեմարանի տեսուչ Հոգեշնորհ Տ․ Շահե ծայրագույն վարդապետ Անանյանը երախտագիտություն հայտնեց Վեհափառ Հայրապետին  հոգևոր բարձրագույն հաստատության նկատմամբ ցուցաբերվող հայրական հոգածության և ուշադրության համար:
Վերջում Վեհափառ Հայրապետը «Պահպանիչ» աղոթքով օրհնեց սարկավագներին՝ ընծայելով նրանց ժամագրքեր:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Նախագահ Հարությունյանը ցավակցական հեռագիր է հղել ՌԴ նախագահ Վլադիմիր Պուտինին

6-7 բալ ուժգնությամբ երկրաշարժ՝ Ադրբեջանում․ ցնցումներն զգացվել են նաև Ստեփանակերտում

Շուշեցիներն իրենց անհանգստությունն են հայտնել բնակարանային խնդրի վերաբերյալ. անդրադարձ

ՀՀ կառավարությունը Արցախին կտրամադրի ևս 13.5 մլրդ դրամ

ԱՀ ՆԳ նախարարությունը ծառայության է հրավիրում

Արցախի Հանրապետության ամբողջ տարածքում սահմանվել է մեկամսյա կարանտին՝ մեծածավալ սահմանափակումներով

Արայիկ Գրիգորյանին հետմահու շնորհվել է «Արցախի հերոս» բարձրագույն կոչում

Արցախում առաջիկա օրերին նախատեսվում է մտցնել համապետական կարանտին և կոնկրետ սահմանափակումներ. Արտակ Բեգլարյան

ՀՀ ԱԳՆ-ն՝ Շուշիի վերաբերյալ Ադրբեջանի հերթական սադրիչ նախաձեռնության մասին

Search