Artsakhpress

Քաղաքական

Վատիկանի փոխպետքարտուղարը վերահաստատել է Սուրբ Աթոռի աջակցությունը ՀՀ կառավարությանը

Հայաստանում Վատիկանի դիվանագիտական ներկայացուցչության՝ առաքելական նվիրակության բացումը տարածաշրջանում կամուրջներ կառուցելու, առերեսման հնարավորություններ ստեղծելու և արդար ու տևական խաղաղության համար նոր ճանապարհներ բացելու խորհրդանիշը կդառնա Հայաստանի և առհասարակ միջազգային հանրության համար:

Վատիկանի փոխպետքարտուղարը վերահաստատել է Սուրբ Աթոռի աջակցությունը ՀՀ կառավարությանը

Վատիկանի փոխպետքարտուղարը վերահաստատել է Սուրբ Աթոռի աջակցությունը ՀՀ կառավարությանը
ՍՏԵՓԱՆԱԿԵՐՏ, 27 հոկտեմեբրի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին ասել է պաշտոնական այցով Հայաստանում գտնվող Էդգար Պենյա Պառան՝ Սուրբ Աթոռի պետքարտուղարի ընդհանուր հարցերով փոխանորդը:
Էդգար Պենյա Պառայի խոսքով՝ իր պաշտոնական այցը Հայաստան և Հայաստանի արտգործնախարարի հետ բարձր մակարդակի հանդիպումը հաստատում է այն համագործակցային և բարեկամական հարաբերությունները, որ միշտ եղել Սուրբ Աթոռի և Հայաստանի Հանրապետության միջև:
«Ես ողջույններ եմ բերել Հռոմի Ֆրանցիսկոս Պապից, ով վառ հիշողություններ ունի 2016 թվականին Հայաստան կատարած իր այցից և նախագահ Սարգսյանի և Ամենայն Հայոց Կաթողիկոս Գարեգին Երկրորդի հետ վերջերս ունեցած իր հանդիպումից», - ասել է փոխանորդը:
Էդգար Պենյա Պառայի այցի նպատակը, իր խոսքով, Երևանում Սուրբ Աթոռի առաքելական դեսպանատան նվիրակության հանդիսավոր բացումն է: Այդ կապակցությամբ նա խորին շնորհակալություն հայտնեց ՀՀ նախագահին և կառավարությանը, որոնք դեսպան Կարեն Նազարյանի միջնորդությամբ հորդորել են Սուրբ Աթոռին դիվանագիտական ներկայացուցչություն բացել Հայաստանում:
«Չնայած միջոցների և առկա անձնակազմի սակավությանը՝ ծրագիրը իրականություն դարձավ մի քանի ամիսների ընթացքում, որովհետև մենք բոլորս հավատում էինք դրան: Համոզված եմ, որ այս առաքելական նվիրակությունը Հայաստանի և ընդհանրապես միջազգային հանրության համար կլինի տարածաշրջանում կամուրջներ կառուցելու, առերեսման հնարավորություններ ստեղծելու և արդար ու տևական խաղաղության համար նոր ճանապարհներ բացելու խորհրդանիշ», - ասել է Էդգար Պենյա Պառան:
Սուրբ Աթոռի փոխպետքարտուղարի խոսքով՝ առաքելական նվիրակության ֆիզիկական ներկայությունը Հայաստանում, անշուշտ, օգտակար կլինի հնարավոր խնդիրների հանգուցալուծման և պատշաճ իրավական միջոցներով բավարար լուծումներ գտնելու հարցում:
Քանի որ հաջորդ տարի նշվելու է Հայաստանի և Վատիկանի միջև երկկողմ հարաբերությունների վերահաստատման 30-ամյակը՝ Սուրբ Աթոռի փոխպետքարտուղարը այդ կապակցությամբ մաղթել է, որ Երևանում բացվող նոր շինությունը ընդլայնի Սուրբ Աթոռի դիվանագիտական առաքելությունը քաղաքացիական ու պետական մարմինների ուղղությամբ, խթանի Հայ Առաքելական Եկեղեցու հետ եղբայրությունն ու բարեկամությունը և ուժեղացնի կապը տեղական կաթողիկե համայնքի ներսում՝ իր տարբեր ծիսակարգերով հանդերձ:
«Այսօրվա միջոցառումը վկայում է նաև այն հարգանքի մասին, որ Պետրոսի իրավահաջորդը և կաթողիկե եկեղեցին տածում են այս վսեմ հողի նկատմամբ, որտեղ բնակվում է քրիստոնեական հավատն առաջինն ընդունած հինավուրց ժողովրդի մի մասը», - ընդգծել է Էդգար Պենյա Պառան:
Վատիկանի փոխպետքարտուղարը խոսել է նաև Սուրբ Աթոռի և Մայր Աթոռ Սուրբ Էջմիածնի միջև բարեկամական հարաբերությունների մասին՝ընդգծելով, որ երկու եկեղեցիները հանձնառու են շարունակելու աշխատանքը հանուն ընդհանուր բարօրության:
Պետքարտուղարի փոխանորդի խոսքով՝ կաթողիկե եկեղեցին իր տարբեր ծիսակարգերով ներկա է Հայաստանում բազմատեսակ սոցիալական, կրթական և բարեգործական աշխատանքների միջոցով: Էդգար Պենյա Պառան հատուկ անդրադարձել է 1991 թվականին Հռոմի Սուրբ Հովհաննես Պողոս Երկրորդ Պապի նախաձեռնությամբ Աշոցքում հիմնադրված «Տիրամայր Նարեկ» հիվանդանոցին, Կարիտասի գրասենյակին, որը Հայաստանում ունի 52 սոցիալ-բժշկական կենտրոն, ինչպես նաև՝ հայաստանյան ավանդույթների ու գրականության տարածմանը, որն այդքան նվիրված ու արդյունավետ իրականացնում են Մխիթարյան միաբանության հայրերը:
«Կարող եմ նաև ավելացնել հաշմանդամների գործող երկու կենտրոնները Երևանում և Սպիտակում, որոնք աշխատեցնում են Կալկաթայի Մայր Թերեզայի գթության քույրերը: Տասնամյակներ շարունակ այս կառույցներն ակտիվորեն աշխատել են հայ հասարակությունում և իրենց նպաստն են բերել ընթացիկ շարժընթացին», - նշել է Վատիկանի ներկայացուցիչը:
Իր խոսքի վերջում Էդգար Պենյա Պառան վերահաստատել է Սուրբ Աթոռի աջակցությունը Հայաստանի կառավարության և միջազգային հանրության օրակարգային հարցերին՝ ուղղված խաղաղությանը և զինաթափմանը, մարդու իրավունքներին, մարդկային և մշակութային զարգացման, կրոնական ազատությունների և շրջակա միջավայրի պաշտպանության ու պահպանության հարցերի առնչությամբ:
«Ես աղոթք եմ բարձրացնում առ Աստված այն հույսով, որ ողջ հայ ազգը կվայելի հարատև խաղաղություն և իրական սոցիալական առաջընթաց՝ շարունակելով այն քրիստոնեական ավանդույթները, որոնք դարեր շարունակ ձեզ են ժառանգել ձեր նախնիները», - այսպես է իր խոսքը եզրափակել Սուրբ Աթոռի փոխպետքարտուղարը:
Սուրբ Աթոռի պետքարտուղարի ընդհանուր հարցերով փոխանորդ Էդգար Պենյա Պառան երկօրյա պաշտոնական այցով Հայաստան է ժամանել հոկտեմբերի 27-ին: Նա մասնակցելու է Հայաստանում Սուրբ Աթոռի առաքելական նվիրակության պաշտոնական բացման արարողությանը:

     

Քաղաքական

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Հակոբ Արշակյանը Դանիայի խորհրդարանականների հետ հանդիպմանն անդրադարձել է Հայաստանի և Ադրբեջանի միջև խաղաղության պայմանագրի շուրջ բանակցություններին

Միջխորհրդարանական միության 148-րդ վեհաժողովի շրջանակում Հայաստանի ԱԺ պատվիրակությունը Դանիայի նախաձեռնությամբ հանդիպել է դանիացի գործընկերների հետ՝ պատվիրակության ղեկավար Սյորեն Սյոնդերգաարդի գլխավորությամբ:

Տնտեսական

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Տարադրամի փոխարժեքն այսօր

Տարադրամի փոխարժեքն այսօր։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search