Artsakhpress

Հասարակական

Արցախցի մի խումբ կանայք հանդիպել են ՌԴ խաղաղապահ զորքերի հրամանատարի հետ

Արցախցի մի խումբ կանայք՝ Արմինե Ավագիմյանը, Քրիստին Բալայանը, Գայանե Սարգսյանը, Մարինա Մկրտչյանը, Դիանա Համբարձումյանը և Ծովինար Պետրոսյանը նախաձեռնել են հանդիպում ՌԴ խաղաղապահ զորքերի հրամանատար գեներալ-լեյտենանտ Գ.Վ. Անաշկինի հետ՝ արտահայտելու հանրության մտահոգությունը վերջին շրջանում Ադրբեջանի կողմից իրականացվող և անպատիժ մնացող սանձարձակությունների, ոճրագործությունների վերաբերյալ։

Արցախցի մի խումբ կանայք հանդիպել են ՌԴ խաղաղապահ զորքերի հրամանատարի հետ

Արցախցի մի խումբ կանայք հանդիպել են ՌԴ խաղաղապահ զորքերի հրամանատարի հետ
ՍՏԵՓԱՆԱԿԵՐՏ, 12 նոյեմբերի, ԱՐՑԱԽՊՐԵՍ։ Այս մասին «Արցախպրես»-ին  տեղեկացրեց   հանդիպման նախաձեռնող խմբի անդամ Արմինե Ավագիմյանը:
 
«Նոյեմբերի 8-ին Շուշիի մերձակայքում տեղի է ունեցել ողբերգական միջադեպ. ջրմուղ֊ կոյուղու՝ ջրատար խողովակի վերանորոգում իրականացնող  անզեն աշխատակիցների ուղղությամբ հրազենով կրակոցներ է արձակել ադրբեջանցի զինծառայողը, ինչի հետևանքով Ստեփանակերտ քաղաքի 22-ամյա բնակիչ Մարտիկ Երեմյանը տեղում մահացել է, ևս 3 աշխատակից՝ վիրավորվել:
 
Սա վերջին 1 ամսում խաղաղ բնակչի սպանության  արդեն երկրորդ դեպքն է,  արցախահայությունը ծայրաաստիճան  անհանգստացած է, և բազմաթիվ հարցեր են առաջացել՝ ՌԴ խաղաղապահ ուժերի կողմից անվտանգության ապահովման գործողությունների հետ կապված:
 
Այդպիսով արցախցի մի խումբ կանանցով նախաձեռնել ենք հանդիպում ՌԴ խաղաղապահ զորքերի հրամանատար գեներալ-լեյտենանտ Գ.Վ. Անաշկինի հետ՝ արտահայտելու մեր մտահոգությունը վերջին շրջանում Ադրբեջանի կողմից իրականացվող և անպատիժ մնացող սանձարձակությունների, ոճրագործությունների վերաբերյալ։ Բարձրաձայնել ենք  անվտանգության գործող  մեխանիզմների վերանայման անհրաժեշտության,  հրատապ ու կենսական նշանակության մի շարք այլ խնդիրների մասին, ինչպես նաև նրան ենք փոխանցել նշված բովանդակությամբ դիմումը», - մեզ հետ զրույցում նշել է  Ա. Ավագիմյանը և հավելել, որ հանդիպումը կայացել է կառուցողական մթնոլորտում, խաղաղապահ զորակազմի հրամանատարն արտահայտած մտահոգությունները համարել է բնական և խոստացել անդրադառնալ շոշափվող և հանրությանը հուզող հարցերին:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախում հունիսի 29-ից դադարեցվելու է գազամատակարարումը. «Արցախգազ»-ից հայտնել են պատճառներն ու ժամկետները

Ստեփանակերտ-Երևան անվճար ուղևորափոխադրման նոր կարգ է սահմանվել

ԱԱԾ-ն պետական դավաճանության 5 նոր դեպք է բացահայտել (տեսանյութ)

«Թուրքիան միջին պետություն է և ձգտում է իր գլխից վերև թռնել». թուրքագետ

Ստեփանակերտում  բացվել է երիտասարդ քանդակագործների աշխատանքների ցուցահանդեսը

Դոլարն ու եվրոն երկար անկումից հետո աճել են

Ադրբեջանի պաշտպանության նախարարությունը կրկին ապատեղեկատվություն է տարածել. ՀՀ ՊՆ

«Մանկության երազներ». Ստեփանակերտում նկարչական ցուցահանդես է կազմակերպվել

Կամենեց Պոդոլսկիի հայկական եկեղեցում Սուրբ պատարագ է մատուցվել

Search