Artsakhpress

Հասարակական

Արցախում գործող հասարակական կազմակերպությունների միջև համագործակցության համաձայնագիր է ստորագրվել

Այսօր՝ նոյեմբերի 26-ին, Արցախի Հանրապետությունում գործող ԱՀ «Աֆղանստանի պատերազմի վետերանների միություն», «Արցախյան երրորդ պատերազմում զոհված և անհայտ կորած զինծառայողների հարազատների միություն», «Արցախի պահեստազորի սպաների միություն», ԱՀ «Փախստականների միություն», «Շուշիի բռնի տեղահանված հայ ազգաբնակչություն», «Հադրութի դեօկուպացիա», «Միացյալ Հայաստան» հայրենասիրական, «Արցախյան պատերազմի վիրավորների միություն» հասարակական կազմակերպությունների միջև համագործակցության համաձայնագիր է ստորագրվել:

Արցախում գործող հասարակական կազմակերպությունների միջև համագործակցության համաձայնագիր է ստորագրվել

Արցախում գործող հասարակական կազմակերպությունների միջև համագործակցության համաձայնագիր է ստորագրվել

ՍՏԵՓԱՆԱԿԵՐՏ, 26 նոյեմբերի, ԱՐՑԱԽՊՐԵՍ։ Արցախի հասարակական կազմակերպությունները, հիմք ընդունելով 2020թվականի Արցախյան 44-օրյա պատերազմից հետո ստեղծված անորոշ իրավիճակը, անվտանգության և սոցիալ-տնտեսական ոլորտներում առկա բազում խնդիրները, բնակչության արտագաղթի աճի վերահաս վտանգը, նպատակ ունեն արդյունավետ և իրատեսական դարձնել հանրային վերահսկողության ազդեցությունը պետական կառավարման համակարգի մարմինների և իշխանության ներկայացուցիչների գործունեության նկատմամբ, իրական մասնակցություն ունենալ իրավական դաշտի կատարելագործմանը, համատեղ արդյունավետ գործունեությամբ հույս, հավատ և վստահություն ներշնչել ազգաբնակչությանը և կանխել արտագաղթը:

Բնութագրությունը հասանալի չէ

«Արցախյան երրորդ պատերազմում զոհված և անհայտ կորած զինծառայողների հարազատների միություն» հասարակական կազմակերպության նախագահ Արմեն Ասրյանը «Արցախպրես»-ի թղթակցի հետ զրույցում ասաց, որ համաձայնագրի բոլոր կետերը երկար ժամանակ համաձայնեցվում էին հասարակական կազմակերպությունների միջև, որոնք ներկայացնում են մեր հասարակության ամենախոցելի շերտը:

Բնութագրությունը հասանալի չէ

Բնութագրությունը հասանալի չէ

«Մենք համատեղ ջանքերով փորձելու ենք հասարակության ամենախոցելի շերտի մարդկանց շահերը պաշտպանել: Մինչ 44-օրյա պատերազմը արցախցիները շատ համբերատար են եղել, և որևէ անարդարության դեմ հստակ ու միասնական պայքար չեն իրականացրել, ինչը, իմ կարծիքով, բերել է այսօրվա մեր պարտությանը: Մեր խնդիրն է հասարակության մեջ արթնացնել հույս ու հավատ: Յուրաքանչյուր պետական պաշտոն ժողովրդին ծառայելու համար է: Այն պաշտոնյաները, ովքեր խուսափելու են ժողովրդին ծառայելու այդ պարտականությունից, խնդիր են ունենալու մեզ հետ: Վերջիվերջո, Արցախն այս իրավիճակից պետք է դուրս բերենք»,- ընդգծել է Ա. Ասրյանը:

Մեր զրուցակցի խոսքով՝ հասարակական կազմակերպությունների գործունեությունը լինելու է թափանցիկ և ուղղված է լինելու երկրի բարօրությանը:

Բնութագրությունը հասանալի չէ

«Մեր կողմից իրականացված ցանկացած գործունեություն լինելու է հանրայնացված: Մենք պետք է մեր քայլերով ժողովրդին հավատ ներշնչենք, այլապես կունենանք արտագաղթի մեծ հոսք, իսկ Արցախն առանց արցախցիների գոյություն ունենալ չի կարող: Մեր տղաները դրա համար չեն զոհվել: Նրանց պատիվը հենց այսպիսի քայլերով պետք է բարձր պահենք:Գործընթացն, իմ կարծիքով, կունենա իր դրական ազդեցությունը »,- հատկանշել է Ա. Ասրյանը:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախում աճել է ծնունդների թիվը. հայտնի են նորածինների` ծնողների կողմից նախընտրելի անունները

Դոլարն ու եվրոն երկար անկումից հետո աճել են

«Մանկության երազներ». Ստեփանակերտում նկարչական ցուցահանդես է կազմակերպվել

Նավթի գները թույլ աճ են գրանցում

ԼՂ-ում խաղաղապահների պատասխանատվության գոտում խախտումներ չեն արձանագրվել. ՌԴ ՊՆ

Պետբյուջեի հարկային եկամուտներն ու տուրքերը գերակատարվել են ավելի քան 17 տոկոսով

ՀՀ-ն և ՌԴ-ն ատոմային էներգետիկայի ոլորտում համագործակցության աշխատանքային խումբ են ստեղծել

Ուկրաինան «Տոչկա-Ու» բալիստիկ հրթիռներով և անօդաչուներով հարվածել է Ռուսաստանի տարածքին. կան զոհեր. ՌԴ ՊՆ

Նախագահ Հարությունյանն Ասկերանի Դահրավ համայնքում ծանոթացել է «100 տուն Արցախում» նախագծի ընթացիկ աշխատանքներին

Search