Այս մասին տեղեկացնում է «Tasnim» լրատվական գործակալությունը։ Թալիբների մամուլի քարտուղարի տեղակալ Ինամուլլա Սամանգանիի խոսքով փոխվարչապետը նշել է, որ շիաները կարող են առանց խնդիրների առաջ քաշել իրենց պահանջները: «Թալիբան» շարժման վարչապետի քաղաքական հարցերով տեղակալը «Կասր Սեպիդար»-ում օրերս հանդիպել էր նաև շիաների ավագների պատվիրակության հետ։

Հանդիպման ընթացքում նա խոսել էր, Աֆղանստանում բոլոր էթնիկ խմբերի միջև միասնության անհրաժեշտության մասին և ընդգծել, որ շիաների ներուժը կօգտագործվի ի շահ երկրի և ժողովրդի բարեկեցության:

«Թալիբանի» պաշտոնատար անձինք բազմիցս հայտարարել են, որ շարժումը շիաների հետ ոչ մի խնդիր չունի։ Անցյալ շաբաթ Քաբուլի արևմտյան մասում շիաների շրջանում հանրահավաքի ժամանակ շիաները պաշտոնապես հայտարարել էին «Թալիբանի» ներկայիս կառավարության աջակցության մասին։