Ղրղզստանի և Տաջիկստանի սահմանապահները պայմանավորվել են սահմանի համատեղ պարեկության մասին այն հատվածում, որտեղ դեկտեմբերի 1-ին հրաձգություն էր տեղի ունեցել:
Ղրղզստանի և Տաջիկստանի սահմանին համատեղ պարեկներ են հայտնվել
Այս մասին հայտնել են Ղրղզստանի ազգային անվտանգության պետական կոմիտեի սահմանապահ ծառայությունից։ Նշվում է, որ համատեղ պարեկություն իրականացնելու մասին կողմերը պայմանավորվել են Բատկենի մարզի Տորթ-Կոչո բնակավայրում (Ղրղզստան) կայացած հանդիպման ժամանակ:
Դրան մասնակցել են սահմանամերձ շրջանների ակիմներ, իրավապահ մարմինների ներկայացուցիչներ։ «Հանդիպման արդյունքներով որոշում է ընդունվել այն մասին, որ հասարակական կարգն ապահովելու նպատակով կողմերի իրավապահ մարմինները 2021 թվականի դեկտեմբերի 2-ից համատեղ պարեկություն են իրականացնելու սահմանամերձ տարածքում», - ասված է հաղորդագրության մեջ:
Ավելի վաղ ԶԼՄ-ները տեղեկացրել էին, Ղրղզստանի Բատկենսկի մարզի Դահմա տեղանքում տեղի ունեցած միջադեպի մասին:
Անհայտ անձինք մոտեցել էին Տաջիկական կողմի սահմանին և յոթ-ութ կրակոց արձակել, ենթադրաբար՝ որսորդական հրացանից: Ներկայումս ընթանում է միջադեպի հետաքննություն։
