Միացյալ Նահանգների կրոնական ազատության հանձնաժողովի զեկույցի համաձայն՝ Թուրքիայում հայկական կրոնական ժառանգությունը վտանգի տակ է։
Հայկական կրոնական ժառանգությունը Թուրքիայում վտանգի տակ է. ԱՄՆ կրոնական ազատության հանձնաժողով
ՍՏԵՓԱՆԱԿԵՐՏ, 6 դեկտեմբերի, ԱՐՑԱԽՊՐԵՍ։ 2021 թվականի մարտին ընդդիմադիր Ժողովուրդների դեմոկրատական կուսակցության պատգամավոր Կարո Փայլյանը խորհրդարանական հարցում է ներկայացրել՝ պարզելու, թե ինչու կառավարությունը չի դադարեցրել Անկարայի պատմական կենտրոնում հայկական և կաթոլիկ գերեզմանոցների վրա պետական բանկի կառուցումը, փոխանցում է yerkir.am լրատվական կայքը:
2021 թվականի ապրիլին, ի պատասխան Հայոց ցեղասպանության զոհերի հիշատակի օրվա կապակցությամբ Փայլյանի հայտարարություններին, ազգայնական պատգամավոր Ումիթ Օզդաղը սպառնացել էր. «Դուք դարձյալ կունենաք Թալեաթ փաշայի փորձը»։
COVID-19 համաճարակը և 2020 թվականի նոյեմբերին Լեռնային Ղարաբաղում հակամարտությունը առաջացրել են հակահայկական դավադրություններ և սարսափելի հակահայկական ցույցեր։ Նշվում է, որ Լեռնային Ղարաբաղում ռազմական էսկալացիայի պատճառով Թուրքիայում ակտիվացել է հակահայկական հռետորաբանությունը։
