ԱՀ Ասկերանի շրջանի Հովսեփավան համայնքի վարչական տարածքում՝ միանգամից 2 վայրում, նոր թաղամասերի կառուցման շինարարական աշխատանքներ են կատարվում։
Հովսեփավան համայնքի վարչական տարածքում ևս մեկ բնակելի թաղամաս է կառուցվում
ՍՏԵՓԱՆԱԿԵՐՏ, 17 դեկտեմբերի, ԱՐՑԱԽՊՐԵՍ: Այս մասին «Արցախպրես»-ի թղթակցին տեղեկացրեց ԱՀ Քաղաքաշինության նախարարության մամուլի պատասխանատու Մարթա Դանիելյանը։ «Ասկերանի շրջանում շարունակվում են պատերազմի հետևանքով տեղահանված բնակիչներին բնակարանային ապահովման ծրագրի շրջանակներում իրականացվող մեծածավալ շինարարական աշխատանքները։
Թաղամասերից մեկը կունենա 77 առանձատուն, որոնցից 22-ը՝ երեք, իսկ 55-ը՝ չորս սենյականոց։
Այս պահին իրականացվում են հիմքերի կառուցման և պատերի շարման աշխատանքներ։ Նախագիծն իրականացվում է ԱՀ կառավարության և «Հայաստան» համահայկական հիմնադրամի միջոցներով։
Թաղամասի կառուցման աշխատանքները կատարում են «Լիվարդշին», «Ա.Լ.Պ.», «ՌՈԲ-ԷԼ» և «ԱՐՄԵՆ-88» ՍՊ ընկերությունները»,- նշեց Մ. Դանիելյանը։