Artsakhpress

Մշակույթ

Հյուսիսային նավատորմի երգի եւ պարի համույթը ժամանել է Լեռնային Ղարաբաղ

Ռուսաստանի Հյուսիսային նավատորմի երգի եւ պարի համույթի արտիստները շնորհավորել են ռուսական խաղաղապահ զորախմբին Լեռնային Ղարաբաղի հեռավոր դիտակետերում: Այս մասին հայտնում է ՌԴ ՊՆ մամուլի ծառայությունը։

Հյուսիսային նավատորմի երգի եւ պարի համույթը ժամանել է Լեռնային Ղարաբաղ

Հյուսիսային նավատորմի երգի եւ պարի համույթը ժամանել է Լեռնային Ղարաբաղ
ՍՏԵՓԱՆԱԿԵՐՏ, 29 դեկտեմբերի, ԱՐՑԱԽՊՐԵՍ: Համույթի գեղարվեստական անձնակազմը նոր ստեղծագործական ամանորյա ծրագիր է ներկայացրել ռուս խաղաղապահների համար։ «Այսօր մենք շնորհավորում ենք մեր խաղաղապահների Ամանորը։ Նրանց համար բերել ենք Հյուսիսային նավատորմի երգի եւ պարի համույթի համերգը, ինչպես նաեւ նվիրել մեր հայրենիքից մի փոքրիկ հատված՝ տոնածառ։ Համույթի համերգները կտեւեն մինչեւ ամանորյա տոների ավարտը։ Մենք յուրաքանչյուր զինծառայողի կշնորհավորենք եւ կհանձնենք նրանց ամանորյա նվերներ»,-ասել է ռուսական խաղաղապահ զորախմբի ներկայացուցիչ Ալեքսեյ Պոլյուխովիչը։ 
2022 թվականի Ամանորի նախաշեմին Լեռնային Ղարաբաղում ռուսական խաղաղապահ զորախմբի ծառայության եւ տեղակայման վայրերում ընդունվում են շնորհավորանքներ եւ ամանորյա նվերներ Ռուսաստանի Դաշնության սուբյեկտներից, հասարակական կազմակերպություններից եւ հիմնադրամներից։
«Մենք ուրախ ենք, որ այստեղ ենք՝ թեեւ երկար ժամանակ պահանջվեց հասնելու համար, եւ երբ պատրաստվում էինք գալ այստեղ, երկար մտածում էինք՝ ինչ բերել, քանի որ հիմնականում համույթի երգացանկը հայրենասիրական բաղադրիչ ունի։ Բայց մտածելով, որ Ամանորի նախաշեմին մենք չենք կարող երգել լուրջ բովանդակության երգեր, մենք որոշեցինք մի փոքր զանազանեցնել երգացանկը»,-ասել է Հյուսիսային նավատորմի երգի եւ պարի համույթի տնօրեն Դմիտրի Ակմանովը:
Ամանորի եւ Սուրբ Ծննդյան տոներին համույթի կոլեկտիվը ելույթ կունենա Լեռնային Ղարաբաղի բոլոր 27 դիտակետերում ռուս խաղաղապահների եւ Ասկերանի, Մարտունու եւ Մարտակերտի շրջանների բնակիչների համար, ինչպես նաեւ մարդասիրական ակցիայի շրջանակում Ստեփանակերտի գիշերօթիկ դպրոցում, կշնորհավորեն 6-ից 15 տարեկան երեխաներին։
«Այսօր մեզ մոտ եկավ Հյուսիսային նավատորմի երգի-պարի համույթը։ Մենք լավ հանդես եկանք, մեզ դուր եկավ: Հրամանատարի տեղակալը մեզ տոնածառ նվիրեց։ Նրանց գալով մենք զգացինք, որ մոտենում է Նոր տարին»,-ասել է ռուսական խաղաղապահ զորախմբի ներկայացուցիչ Ալեքսանդր Սկորոբոգատովը։  
Ավելի վաղ ՌԴ ՊՆ ռազմատրանսպորտային ինքնաթիռով Ռուսաստանից Լեռնային Ղարաբաղ է առաքվել տոնական բեռ՝ տոնածառեր եւ տոնածառի զարդարանք, սննդի եւ հիգիենայի պարագաներ, հրուշակեղեն եւ քաղցրավենիք, անձնական շնորհավորանքներ (նամակներ եւ բացիկներ) Հայրենիքի պաշտպաններին։

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Զոհված և անհայտ բացակայող ճանաչված անձանց տեղահանված ընտանիքների բնակապահովման նպատակով հաստատվել է պետական աջակցության տրամադրման կարգը

Փրկարարները Կարկառ գետից դուրս են բերել Օլգա Սանիկովայի դին

300.000-ական դրամի չափով սոցիալական աջակցության ծրագրի իրագործման ընթացքում ապօրինի ստացվել է 47.700.000 դրամ գումար. գլխավոր դատախազություն

ՀՀ-ից ժամանած բժիշկները Ստեփանակերտում անվճար հետազոտություններ և խորհրդատվություն կիրականացնեն

Նախագահ Հարությունյանը շուրջ մեկ տասնյակ օրենքներ է ստորագրել

Ազգային ժողովի նախագահին են դիմել Ադրբեջանի վերահսկողության տակ անցած Ասկերանի շրջանի վերին ենթաշրջանի համայնքների աշխատակազմերի աշխատողները

Գլխավոր դատախազությունը մեկնաբանել է Սամվել Կարապետյանին առնչվող գործի շուրջ հանրային արձագանքները

Արցախի իրավապահների կողմից հետախուզվողը հայտնաբերվել է Բագրատաշենի սահմանային անցակետում

Իրավապահ համակարգը պայքարում է նաև սեփական շարքերում հանցավոր երևույթների դեմ (ձայնագրություն)

Search