Այսօր երեկոյան թշնամին Շուշիից ինքնաձիգերից լուսածիր գնդակներ է արձակել, որոնք լսվել և տեսանելի են եղել մայրաքաղաք Ստեփանակերտից։
Շուշիից արձակված անկանոն կրակոցներից հայկական կողմը տուժածներ չունի. փորձագետ
ՍՏԵՓԱՆԱԿԵՐՏ, 11 հունվարի, ԱՐՑԱԽՊՐԵՍ։ Թեմայի շուրջ «Արցախպրես»-ի հետ զրույցում ռազմական փորձագետ Վլադիմիր Հարությունյանն ասել է, որ միջադեպն ամբողջությամբ տեղավորվում է վերջին երկու օրերին ադրբեջանական կողմի դրսևորած ագրեսիվ վարքի շրջանակում։
«Ղազախստանում տեղի ունեցած հայտնի իրադարձությունները և ՀԱՊԿ արագ արձագանքը մեծապես փոխել են թյուրքական աշխարհի ծրագրերը, և Ադրբեջանի՝ հատկապես այս օրերի ջղաձիգ պահվածքն առաջին հերթին պայմանավորված է այդ գործողություններով։ Կարծում եմ՝ Հայաստանի Հանրապետության դաշնակիցների, մասնավորապես` Ռուսաստանի Դաշնության կողմից պետք է համապատասխան արձագանք լինի, և հույս ունեմ, որ այն չի ուշանա»,- ասել է մեր զրուցակիցը և ավելացրել, որ Շուշիից արձակված անկանոն կրակոցներն այս անգամ, բարեբախտաբար, որևէ հետևանք չեն ունեցել, և հայկական կողմը տուժածներ չունի։
