Կյանքից հեռացել է ԱՀ վաստակավոր բժիշկ Բրինա Մարությանը։
Կյանքից հեռացել է վաստակավոր բժիշկ Բրինա Մարությանը
ՍՏԵՓԱՆԱԿԵՐՏ, հունվարի 17, ԱՐՑԱԽՊՐԵՍ։ Այդ առթիվ ԱՀ առողջապահության նախարարությունը ցավակցական նամակ է հղել։
«ԱՀ առողջապահության նախարարությունը և ողջ համակարգը խորը վշտով ցավակցում է Արցախի Հանրապետության վաստակավոր բժիշկ Բրինա Սեդրակի Մարությանի հարազատներին և մերձավորներին՝ նրա մահվան կապակցությամբ:
Բրինա Մարությանը ծնվել է 1932 թվականի հոկտեմբերի 1-ին Մարտակերտի շրջանի Լենինավան գյուղում: 1950-1956թթ. սովորել է Երևանի բժշկական ինստիտուտում: 1956-1961թթ. աշխատել է Ղարաբաղի մետաքսագործական գործարանին կից բժշկական կետում` որպես մանկաբարձ-գինեկոլոգ: 1956 թվականից դասավանդել է նաև Ստեփանակերտի բժշկական ուսումնարանում: 1961-1973թթ. ղեկավարել է մարզային հիվանդանոցի, այնուհետև՝ Հանրապետական ծննդատան տարբեր բաժանմունքներ: 1973-1997թթ. է Հանրապետական ծննդատան գլխավոր բժիշկ: Եղել է քաղաքային սովետի պատգամավոր, որտեղ վարել է առողջապահության բաժինը: Հասարակական հիմունքներով եղել է զինվարական խորհրդի անդամ: 2000-2004թթ. աշխատել է ԼՂՀ առողջապահության նախարարությունում, որպես գլխավոր մանկաբարձ-գինեկոլոգ: 2004-2008 թթ. աշխատել է ԼՂՀ ԱՆ Մոր և մանկան առողջության պահպանման կենտրոնում, որպես մանկաբարձ-գինեկոլոգ: Արժանացել է առողջապահության գերազանցիկի կոչմանը, մի շարք գովասանագրերի և պատվոգրերի: 2004թ. Լեռնային Ղարաբաղի Հանրապետության նախագահի հրամանագրի համաձայն Բրինա Մարությանին շնորհվել է «Վաստակավոր բժիշկ» պատվավոր կոչումը: Հասարակության հարգանքը վայելող մարդու, աշխատանքին նվիրված մասնագետի հիշատակը մշտապես վառ կմնա մեր սրտերում»,- ասված է ցավակցական նամակում։
