Երեկ՝ ապրիլի 9-ին, ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի (ՀՆՏՄԿՊՀ) նախագահ Լևոն Մնացականյանը ևս մասնակցել է Ստեփանակերտում «Արցախի տեղեկատվական տեխնոլոգիաների կենտրոն» հիմնադրամի նորակառույց շենքի բացման արարողությանը:
Ստեփանակերտում գործելու է վիքիակումբ
ՍՏԵՓԱՆԱԿԵՐՏ, 10 ԱՊՐԻԼԻ, ԱՐՑԱԽՊՐԵՍ։ ԼՂՀ ՀԾ և տնտեսական մրցակցությունը կարգավորող պետական հանձնաժողովի ֆեյսբուքյան էջի փոխանցմամբ՝ շենքում իր գործունեությունն է մեկնարկել «Վիքիմեդիա Հայաստան» գիտակրթական հասարակական կազմակերպությունը:
2014 թվականի մայիսին «Վիքիմեդիա Հայաստան» գիտակրթական հասարակական կազմակերպության և «Ինտելեկտուալ Ռենեսանս» հիմնադրամի տնօրինության հետ հանձնաժողովում կայացած հանդիպման ժամանակ նախագծված ծրագրերի և հետևողական աշխատանքների արդյունքում՝ Ստեփանակերտում գործելու է վիքիակումբ:
Ինչպես նշել է «Ինտելեկտուալ Ռենեսանս» հիմնադրամի տնօրեն Հակոբ Հակոբյանը, Արցախում վիկիքլաբի բացումը նպատակ է հետապնդում՝ խթանել Վիքիպեդիայում Արցախի մասին հոդվածների ավելացմանը, ինչը կնպաստի արտաքին աշխարհին Արցախը ճանաչելի դարձնելու գործին: Միջոցառմանը ներկա էին ԼՂՀ նախագահ Բակո Սահակյանը, Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, պաշտոնատար այլ անձինք, հյուրեր արտերկրից:
