Բրիտանական The Daily Mail պարբերականը պատմել է Քարդաշյանների՝ Գեղարդի վանք այցելության մասին:
The Daily Mail-ը պատմել է Քարդաշյանների՝ Գեղարդ այցի մասին և առաջարկել ծանոթանալ Երևանի հետ
ՍՏԵՓԱՆԱԿԵՐՏ, 11 ԱՊՐԻԼԻ, ԱՐՑԱԽՊՐԵՍ։ Թերթը նշում է, որ հանրահայտ հեռուստաաստղ Քիմ Քարդաշյանը, ով հայտնի է իր անկեղծ լուսանկարներով և տեսանյութերով, ժանյակավոր սև գլխաշոր է կրել՝ ի նշան հարգանքի: Լուսանկարներում երևում է, թե ինչպես է վանք մտնելուց առաջ նրա ամուսինը՝ ռեփեր Քանյե Ուեսթը, ուղղում գլխաշորը:
Քլոե Քարդաշյանը նույնպես գլխաշոր է կրել:
Վանքի ներսում Քիմը մոմ է վառել իր ամուսնու և դստեր հետ:
Վանքից դուրս գալուց հետո, քահանան փոքրիկ Նորթին օրհնություն է տվել՝ իր ձեռքը դնելով նրա գլխին, գրում է The Daily Mail-ը:
Ինչպես նշում է թերթը, լուսանկարներից դատելով՝ Քանյեին կարծես բավական հետաքրքիր է եղել այցի ընթացքում. ռեփերին, ով հազվադեպ է ժպտում հասարակության մեջ, կարելի է տեսնել Գեղարդում ժպտալիս:
Բրիտանական թերթը մեկ այլ հոդվածում առաջարկել է Քարդաշյանների այցի կապակցությամբ ծանոթանալ Երևանին: Ինչ կանեին սովորական մահկանացուները, ովքեր հեռուստատեսային իրապատում շոուների աստղեր չեն, եթե հետևելով Քարդաշյաններին՝ հայտնվեին Երևանում:
Թերթը ներկայացնում է Lonely planet զբոսաշրջային ուղեցույցներ տպագրող ամենախոշոր ընկերության քաղաքի զբոսաշրջային ուղեցույցի ներածությունը, զբոսաշրջիկներին հետաքրքիր և անհրաժեշտ մի քանի փաստ, ինչպես նաև մի քանի տեսարժան վայր ներկայացրել Երևանում և ողջ Հայաստանում, պատմել ճարտարապետության և երևանյան կյանքի մասին:
«Մինչդեռ կարծես Քանյեի հիփ-հոփը ժողովրդի ամենասիրելի ժանրը չէ, և երկրպագուներն ավելի շատ հետաքրքրված են Քարդաշյաններով։ Քաղաքը բավականին հարուստ է մշակույթով՝ քաղաքի չափերի համար թատրոնների, ցուցասրահների և ակումբների անհամաչափորեն մեծ քանակությամբ»,- գրում է The Daily Mail-ը: