Artsakhpress

Հասարակական

ԱրՊՀ-ում մեկնարկել է ամփոփիչ որակավորման քննությունների, ավարտական աշխատանքների և մագիստրոսական թեզերի հանձնման փուլը

Այսօր՝ մայիսի 16-ին, Արցախի պետական համալսարանում մեկնարկել է ամփոփիչ որակավորման քննությունների, 4-րդ կուրսերի ավարտական աշխատանքների և մագիստրոսական թեզերի հանձնման փուլը:

ԱրՊՀ-ում մեկնարկել է ամփոփիչ որակավորման քննությունների, ավարտական աշխատանքների և մագիստրոսական թեզերի հանձնման փուլը

ԱրՊՀ-ում մեկնարկել է ամփոփիչ որակավորման քննությունների, ավարտական աշխատանքների և մագիստրոսական թեզերի հանձնման փուլը

ՍՏԵՓԱՆԱԿԵՐՏ, մայիսի 16, ԱՐՑԱԽՊՐԵՍ։ «Արցախպրես»-ի թղթակցի հետ զրույցում բուհի ուսումնական աշխատանքների գծով պրոռեկտոր Գեորգի Սահակյանը նշել է, որ այս տարի Մայր բուհն ավարտում է 490 ուսանող:

280573725_996518331003031_4819150792738495889_n.jpg (83 KB)«Ամփոփիչ ատեստավորման քննություն է հանձնելու 230 շրջանավարտ, ավարտական աշխատանք է պաշտպանելու 129-ը, իսկ մագիստրոսական թեզ՝ 131 ուսանող: Այս տարի նախապես բոլոր ավարտական աշխատանքներն ու մագիստրոսական թեզերն ուղարկել ենք հանձնաժողովի նախագահներին, որպեսզի նախապես ծանոթանան աշխատանքներին, և կարողանան ավելի օբյեկտիվ գնահատել դրանք»,-ասել է Գ. Սահակյանը՝ տեղեկացնելով, որ քննությունների, ավարտական աշխատանքների և մագիստրոսական թեզերի հանձնման փուլը կավարտվի մայիսի 20-ին։

Բուհի Տնտեսագիտության ֆակուլտետի ֆինանսահաշվային ամբիոնի դոցենտ Եվգենյա Հայրիյանը մեզ հետ զրույցում ասել է, որ Տնտեսագիտության ֆակուլտետի ֆինանսահաշվային ամբիոնի «ֆինանսներ» բաժնի 4-րդ կուրսում սկսվել է ավարտական աշխատանքների հանձնման փուլը:

281299259_1075976989685871_741766785979243775_n.jpg (43 KB)«Ուսանողներն այնպիսի թեմաներ են ընտրել, որոնք բավականին արդիական են Արցախի և Հայաստանի տնտեսությունների ուսումնասիրության ներկայիս փուլում, այսինքն՝ թեմաներն ընդգրկվում են հետպատերազմական շրջանի իրողություններն Արցախում, բանկային համակարգի առջև ծառացած խնդիրները, ինչպես նաև հետաքրքիր թեմաներ կան առանձին կազմակերպությունների ուսումնասիրության ոլորտում»,-ասել է Ե. Հայրիյանը:

ԱրՊՀ Բանասիրական ֆակուլտետի դեկան Լուսինե Մարգարյանի խոսքով՝ բոլոր նրանց համար, ովքեր ավարտական խմբերում ամփոփիչ որակավորման քննությունների պետք է մասնակցեն, կազմակերպվել են մեկշաբաթյա խորհրդատվական ժամեր, ևս մեկ անգամ քննարկվել են հարցատոմսերում ընդգրկված անհասկանալի հարցերը:

280589422_506902051128654_5617314547356841126_n.jpg (92 KB)«Բավականին բարդ ժամանակահատված է բաժին հասել այս տարվա շրջանավարտներին: Կարծում եմ, որ մեծ դժվարությամբ և մեծ ծանրությամբ ենք համավարակի և պատերազմի շրջանները հաղթահարել, բայց այսօր արդյունքները պետք է որ չամաչեցնեն մեզ»,-ընդհանրացրել է Լ. Մարգարյանը:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախում հունիսի 29-ից դադարեցվելու է գազամատակարարումը. «Արցախգազ»-ից հայտնել են պատճառներն ու ժամկետները

Ստեփանակերտ-Երևան անվճար ուղևորափոխադրման նոր կարգ է սահմանվել

ԱԱԾ-ն պետական դավաճանության 5 նոր դեպք է բացահայտել (տեսանյութ)

«Թուրքիան միջին պետություն է և ձգտում է իր գլխից վերև թռնել». թուրքագետ

Ստեփանակերտում  բացվել է երիտասարդ քանդակագործների աշխատանքների ցուցահանդեսը

Ադրբեջանի պաշտպանության նախարարությունը կրկին ապատեղեկատվություն է տարածել. ՀՀ ՊՆ

Դոլարն ու եվրոն երկար անկումից հետո աճել են

«Մանկության երազներ». Ստեփանակերտում նկարչական ցուցահանդես է կազմակերպվել

Խորհրդակցություն՝ Սուրեն Պապիկյանի գլխավորությամբ. քննարկվել են ԶՈՒ-ում կարգապահական խնդիրներին վերաբերող հարցեր

Search