«Մեծ յոթնյակի» երկրների ֆինանսների նախարարները եւ Կենտրոնական բանկերի ղեկավարները չեն կարողացել միասնական ստրատեգիա մշակել ռուսաստանյան նավթի ներմուծումից հրաժարվելու կամ այն կրճատելու վերաբերյալ:
G7-ի ֆինանսների նախարարները չեն համաձայնեցրել ռուսաստանյան նավթի ներմուծման ստրատեգիան
ՍՏԵՓԱՆԱԿԵՐՏ 20 մայիսի, ԱՐՑԱԽՊՐԵՍ-ԱՐՄԵՆՊՐԵՍ։ Այդ մասին մայիսի 20-ին հայտնել Է ԱՄՆ-ի ֆինանսների նախարար Ջանետ Յելլենը: Նա լրագրողներին ասել Է, որ Գերմանիայում տեղի ունեցած նախարարական հանդիպմանը քննարկվել են Ռուսաստանի նավթային եկամուտների սահմանափակման կրկնակի պատժամիջոցները եւ մյուս միջոցները՝ Էներգակիրների գների ազդեցության նվազարկմամբ:
Նրա խոսքով՝ «նպատակն այն Է, որպեսզի պահպանվի ռուսական նավթի մի մասի մուտքը շուկա՝ համաշխարհային գները չբարձրանալու համար»: Դրա համար կարելի Էր ստեղծել ռուսական նավթի «գնորդների կարտել», որը կորոշեր առավելագույն գինը, որը ենթակա Է վճարման, նպատակ ունենալով սահմանափակել ՌԴ-ի եկամուտները: «Շատերը, ներառյալ ես, գտնում են, որ դա գրավիչ Է ընդհանուր տնտեսական տեսակետից, բայց իրականում ստիպել, որ դա աշխատի, դժվար Է, եւ այդ բոլոր հարցերը մշակված չեն եղել»,-հավելել Է Յելլենը:
Ինչպես հաղորդել Է Bloomberg-ը, ԱՄՆ-ի նախագահ Ջո Բայդենը նավթի գների սահմանափակումը կդարձնի Ասիայում իր ուղեւորության գլխավոր թեման, քանի որ ԱՄՆ-ը եւ նրա դաշնակիցներն աշխատում են Ուկրաինայում հատուկ ռազմական գործողության ժամանակ Ռուսաստանի եկամուտների հիմնական աղբյուրներից մեկի սահմանափակման վրա: Այս հարցին ծանոթ մարդկանցից մեկի խոսքով՝ ԵՄ-ի ղեկավարները կպաշտպանեն գների սահմանափակումը, երբ մայիսի վերջին կհավաքվեն Բրյուսելում Ուկրաինայի իրադրությունը քննարկելու համար, նշում Է գործակալությունը: «Եվրոպացիները փորձում են հասկանալ, թե իրենք ինչ են պատրաստվում անել, եւ դա հիմնականում կախված Է հենց իրենցից»,-ասել Է Յելլենը: «Նրանց գլխավոր նպատակը ռուսական նավթի կախվածությունից ազատվելն Է հաջորդ տարվա ընթացքում, եւ, ես կարծում եմ, նրանք պատրաստ են քննարկել Ռուսաստանի եկամուտների կրճատման միջոցները»,-ընդգթել Է նա:
