Artsakhpress

Քաղաքական

Ադրբեջանցի դիվերսանտ Շահբազ Գուլիևը պնդում է, որ 2014-ին իրեն Քարվաճառ դիվերսիայի է ուղարկել փոխվարչապետ Ալի Հասանովը

2014-2020 թվականներին բանտարկված Ադրբեջանցի դիվերսանտ Շահբազ Գուլիևը ուշագրավ տեղեկություններ է հայտնել 2014 թվականին Քարվաճառում իրականացրած դիվերսիոն գործողությունների մասին:

Ադրբեջանցի դիվերսանտ Շահբազ Գուլիևը պնդում է, որ 2014-ին իրեն Քարվաճառ դիվերսիայի է ուղարկել փոխվարչապետ Ալի Հասանովը

Ադրբեջանցի դիվերսանտ Շահբազ Գուլիևը պնդում է, որ 2014-ին իրեն Քարվաճառ դիվերսիայի է ուղարկել փոխվարչապետ Ալի Հասանովը

ՍՏԵՓԱՆԱԿԵՐՏ 20 մայիսի, ԱՐՑԱԽՊՐԵՍ-ԱՐՄԵՆՊՐԵՍ։ Շահբազ Գուլիևը «Xural TV»-ի ուղիղ եթերում պնդել է, որ իրեն և Դիլհամ Ասկերովին Քարվաճառ են ուղարկել Ադրբեջանի այն ժամանակվա փոխվարչապետ Ալի Հասանովի հրամանով։

«Մեզ Քարվաճառ ուղարկեցին հենց Ալի Հասանովի սենյակից։ Նրանք մեզ զենք, նռնակներ տվեցին ու ճանապարհեցին։ Նրանք կանչեցին ինձ ու ասացին՝ «Պետությունը քո կարիքն ունի»: Սկզբում ցանկանում էին ինձ միայնակ ուղարկել։ Ես ասացի՝ «Դիլհամն այդ վայրերն ավելի լավ գիտի»։ Այն ժամանակ Դիլհամը Շամքիրում ոստիկանների հետ խնդիրներ ուներ։ Նրան հանեցին բանտից ու ստիպեցին ուղեկցել ինձ»,- ասել է Գուլիևը։

Նրա խոսքով՝ ձայներիզը, որը նա մի անգամ ցույց է տվել Հասանովին, ավելի ուշ նրան հայերն են ցույց տվել, երբ արդեն ձերբակալվել էր Արցախում։

2014 թվականի հունիսի 29-ին զինված վիճակում ադրբեջանցիներ Դիլհամ Ասկերովը և Շահբազ Գուլիևն ապօրինաբար հատել էին Արցախի Հանրապետության պետական սահմանը, այնուհետև առևանգել և սպանել են 17-ամյա քարվաճառցի Սմբատ Ցականյանին։ Ասկերովին ու Գուլիևին ուղեկցել է երրորդ անձ՝ Հասան Հասանովը, ով Վարդենիս-Մարտակերտ ավտոճանապարհի վրա սպանել էր ՀՀ բանակի մայոր Սարգիս Աբրահամյանին և լրջորեն վիրավորել է նրա ուղեկից Կարինե Դավթյանին։ Ասկերովն ու Գուլիևը ձերբակալվել են Արցախի ոստիկանության և զինված ուժերի համատեղ գործողությունների արդյունքում, իսկ Հասանովը սպանվել է Պաշտպանության բանակի դիրքապահների հետ փոխհրաձգության հետևանքով։ Արցախի դատարանն Ասկերովին դատապարտել էր ցմահ ազատազրկման, իսկ Գուլիևին՝ 22 տարվա ազատազրկման։

2020 թվականի նոյեմբերի 9-ի եռակողմ հայտարարության պայմանների համաձայն՝ 2020-ի դեկտեմբերի 14-ին հայկական կողմն հանձնել է Ասկերովին և Գուլիևին գերիների փոխանակման շրջանակում:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախում հունիսի 29-ից դադարեցվելու է գազամատակարարումը. «Արցախգազ»-ից հայտնել են պատճառներն ու ժամկետները

Ստեփանակերտ-Երևան անվճար ուղևորափոխադրման նոր կարգ է սահմանվել

Ճանապարհատրանսպորտային պատահար` մահվան ելքով

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

ԱԱԾ-ն պետական դավաճանության 5 նոր դեպք է բացահայտել (տեսանյութ)

Վթարի են ենթարկվել ՊԲ զինծառայողները, մեկը մահացել է, 4-ի վիճակը ծանր է. ԱՀ ՊԲ

Ստեփանակերտում բացվել է «Քոչարյան» նկարչական ստուդիայի սաների աշխատանքների ցուցահանդեսը

Ստեփանակերտ քաղաքի Առաքելյան փողոցում կրակոցներ արձակած անձը ձերբակալվել է. ԱՀ դատախազություն

Մայրաքաղաքում կայացել է Արցախի պետական ջազ նվագախմբի համերգը

Search