ԱՀ ԿԳՄՍՆ նախաձեռնությամբ վերականգնվել է «Տարվա լավագույն դպրոց», «Տարվա լավագույն դաստիարակ», «Տարվա լավագույն զինղեկ» անվանակարգերում հանրակրթարանների և նախակրթարանների միջև մրցույթը:
Դավիթ Սարգսյանը պարգևատրել է դպրոցների միջև հայտարարված մրցույթի քաղաքային փուլի հաղթողներին
ՍՏԵՓԱՆԱԿԵՐՏ 20 մայիսի, ԱՐՑԱԽՊՐԵՍ: Այսօր Ստեփանակերտի քաղաքապետ Դավիթ Սարգսյանը պարգևատրել է քաղաքային փուլի հաղթողներին:
Այսպիսով, մայրաքաղաքում լավագույն դպրոց է ճանաչվել N 12 հիմնական դպրոցը, լավագույն դաստիարակ՝ Անահիտ Ավագյանը(N 2 պետական մանկապարտեզ), լավագույն զինղեկ՝ Արսեն Հարությունյանը(N 9 հիմնական դպրոց): ՆԶՊ առարկայի գերազանց իմացության և մանկավարժական վարպետության համար առանձին անվանակարգում հաղթել է զինղեկ Նվեր Լազարյանը(N 12 հիմնական դպրոց): Ստեփանակերտի ՄՊՍ կենտրոնի կոլեկտիվն էլ խրախուսվել է «Ձեռքի աշխատանքների մրցույթ»-ին լավագույնս պատրաստվելու համար: Պատվոգրեր ու նվերներ են ստացել նաև «Արցախ իմ, հող իմ» քաղաքային նկարչական մրցույթում առավել աչքի ընկած ստեղծագործությունների հեղինակ երեխաները:
Մրցույթին մասնակցել են 68 դպրոցականներ՝ 9-12 ու 13-16 տարիքային խմբերում, 12-ը հաղթող են ճանաչվել: Նրանց, ինչպես նաև իրենց գործում լավագույնի կոչմանն արժանացածներին Դավիթ Սարգսյանը և քաղաքապետարանի աշխատակազմի կրթության ու սպորտի բաժնի պետ Թերեզա Ղարախանյանը նորանոր հաջողություններ ու նվաճումներ են մաղթել…