Artsakhpress

Հասարակական

«Ապագա հայկականը» հիմնադրամն Արցախում  ժողովրդագրական խնդիրների լուծմանն ուղղված  ֆորում անցկացրեց

Այսօր՝ մայիսի 22-ին, Ստեփանակերտում   կայացավ  «Ապագա հայկականը» հիմնադրամի նախաձեռնած ֆորումը՝ ուղղված ժողովրդագրական խնդիրների լուծմանը:

«Ապագա հայկականը» հիմնադրամն Արցախում  ժողովրդագրական խնդիրների լուծմանն ուղղված  ֆորում անցկացրեց

«Ապագա հայկականը» հիմնադրամն Արցախում  ժողովրդագրական խնդիրների լուծմանն ուղղված  ֆորում անցկացրեց
ՍՏԵՓԱՆԱԿԵՐՏ, 22 մայիսի, ԱՐՑԱԽՊՐԵՍ։  «Արցախպրես»-ի թղթակցի հաղորդմամբ՝ ֆորումը նպատակ ուներ խթանելու հասարակության լայն շերտերի ներգրավմամբ երկխոսությունը` նախաձեռնության շրջանակներում մշակված 15 նպատակների շուրջ:
 
Բացման խոսքով հանդես եկավ «Ապագա հայկականը» զարգացման հիմնադրամի գործադիր տնօրեն Արտակ Ապիտոնյանը:
 
Արտակ Ապիտոնյան.jpg (118 KB)««Ապագա հայկականի» նախաձեռնած ֆորումը նպատակ ունի կազմել ծրագիր  բոլոր նպատակների և դրանց հասնելու  քայլերի շուրջ: Այդ ծրագիրը նպաստելու է Հայաստանի Հանրապետության, Արցախի Հանրապետության  և Սփյուռքի հայության  կայուն զարգացմանը, անվտանգության ապահովմանը և սոցիալ-տնտեսական աճին: Արցախյան ֆորումով տրվելու է մեկ այլ ավելի մեծ համաժողովի մեկնարկը, որը տեղի է ունենալու աշնանը: Ես վստահ եմ, որ սա ամենաարդյունավետ մոդելներից մեկն է, որը հնարավորություն է ընձեռնում որոշումներ կայացնելու գործընթացում հասարակության մասնակցության  համար», - նշել է Ա. Ապիտոնյանը և ընդգծել հաջորդ` ավելի մեծ համաժողովի ընթացիկ տարում անցկացման կարեւորությունը։
 
Ֆորումի ընթացքում հասարակության բոլոր շերտերը ներկայացնող ավելի քան վաթսուն մասնակիցներ քննարկել են Արցախի ժողովրդագրական խնդիրները, արտահայտել իրենց կարծիքները առկա մարտահրավերների վերաբերյալ և ուրվագծել երկարաժամկետ հեռանկարում խնդիրների հնարավոր կայուն լուծումներ:
 
Արամ Բեկչյան.jpg (139 KB)«Ֆորումը կոնկրետ աշխատանք է, որի արդյունքը պետք է լինի խնդիրների լուծումը: Այն  Արցախից սկսելու  հարցին կպատասխանեմ, որ մենք բոլորս մտածում ենք, որ Արցախի հարցը մեր առաջնային հիմնախնդիրն է։  Փորձագետներն ընտրվել են դրսից, իսկ մասնակիցները` կայքի միջոցով գրանցվելով»,- ասել է «Ապագա հայականը» հիմնադրամի համահիմնադիր Արամ Բեկչյանը:
 2.jpg (271 KB)
Համահիմնադիրներից Ռիչարդ Ազարնիյան կարծում է, որ հայերի ապագան մեզանից յուրաքանչյուրի ձեռքերում է։
 
Ռիչարդ Ազարնիյան.jpg (141 KB)«Անցիալի սխալներն են մեզ հասցրել այս վիճակին։ Այդ վիճակից դուրս գալու համար պետք է լուծվեն բոլոր այն խնդիրները, որոնք հանգեցնում են մեզ դրան: Մեր բոլորի պարտականությունն է փոխել ինքներս մեզ և հասկանալ` ինչքան կարևոր է Արցախը մեզ համար: Պետք է յուրաքանչյուրս մտածենք հայության  ապագայի համար և նույնիսկ մտովի չպատկերացնենք հայերի ապագան որևէ այլ ազգի ափերի մեջ»,- ընդգծել է բանախոսը:
 
Արցախյան ֆորումի մասնակիցները քննարկել և ընդունել են հայ առաջատար մասնագետների կողմից մի շարք հանդիպումների և քննարկումների ընթացքում մշակված փաթեթ, որը «Ապագա հայկականը»  նախաձեռնության կողմից կներկայացվի համապատասխան պետական մարմիններին:
3.jpg (352 KB)

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախում հունիսի 29-ից դադարեցվելու է գազամատակարարումը. «Արցախգազ»-ից հայտնել են պատճառներն ու ժամկետները

Ստեփանակերտ-Երևան անվճար ուղևորափոխադրման նոր կարգ է սահմանվել

ԱԱԾ-ն պետական դավաճանության 5 նոր դեպք է բացահայտել (տեսանյութ)

Ճանապարհատրանսպորտային պատահար` մահվան ելքով

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

Ստեփանակերտ քաղաքի Առաքելյան փողոցում կրակոցներ արձակած անձը ձերբակալվել է. ԱՀ դատախազություն

Ինչ է նշանակում ԼՂ կարգավիճակի նշաձողի իջեցում. ՀՀ վարչապետի պարզաբանումը

ԿԽՄԿ ներկայացուցիչները տեսակցել են Ադրբեջանում պահվող հայ գերիներին

Արցախում սահմանադրական փոփոխությունների հանրաքվեն կարող է լինել դեկտեմբեր-փետրվարին․ զրույց Հանձնաժողովի նախագահի հետ  

Search