Artsakhpress

Սպորտ

Հայաստանն առաջին հաղթանակն է տարել Երևանում անցկացվող Եվրոպայի բռնցքամարտի առաջնությունում

Մրցումային առաջին օրը ռինգ դուրս եկած 75 կգ քաշային Վախթանգ Հարությունյանը մենամարտել է Լեհաստանի ներկայացուցիչ Բարտոշ Գոլեբիևսկու հետ և վստահ հաղթանակ տարել:

Հայաստանն առաջին հաղթանակն է տարել Երևանում անցկացվող Եվրոպայի բռնցքամարտի առաջնությունում

Հայաստանն առաջին հաղթանակն է տարել Երևանում անցկացվող Եվրոպայի բռնցքամարտի առաջնությունում
ՍՏԵՓԱՆԱԿԵՐՏ, 24 մայիսի, ԱՐՑԱԽՊՐԵՍ։Այդ մասին հայտնում են ՀՀ ԿԳՄՍ նախարարությունից:
Առաջին 2 ռաունդների ընթացքում Հարությունյանը կարողացել է միավորներ կորզել մրցակցից, իսկ վերջին` 3-րդ ռաունդում, նոկդաունի է ենթարկել լեհ բռնցքամարտիկին։ Հայ բռնցքամարտիկը դուրս է եկել 1/8 եզրափակիչ, որտեղ կմենամարտի Գերմանիայի ներկայացուցչի հետ:
Մենամարտից հետո Հարությունյանը խոստովանել է, որ պայքարը շատ բարդ է ստացվել. «‎Հակառակորդի պատրաստվածությունը շատ մեծ էր։ Առաջին մենամարտն էր, և այն ուներ իր դժվարությունը՝ լարվածություն, ռինգ զգալ և այլն, բայց ընթացքում մարզիկներից մեկը տեխնիկայի կամ կամքի շնորհիվ կարողանում է հաղթել պայքարում»:
ԿԳՄՍ նախարարի տեղակալ Կարեն Գիլոյանը ևս մեկնաբանել է Հայաստանի առաջին ներկայացուցչի հաղթական մենամարտը. «Իսկապես ծանր մենամարտ էր: Մենք առաջին քայլը կատարել ենք Եվրոպայի այս առաջնությունում»:
Այսօր՝ մայիսի 24-ին, Հայաստանը 3 ներկայացուցիչ կունենա Եվրոպայի առաջնությունում:
54 կգ քաշային Ջանիկ Սահակյանը որակավորման փուլում կմենամարտի ուկրաինացի Ելմիր Բավիևի հետ: Նրա մենամարտը կմեկնարկի Երևանի ժամանակով 14:00-ին` A ռինգում:
Հաջորդիվ B ռինգում Նարեկ Զախարյանը (71 կգ) որակավորման փուլի առաջին մենամարտը կանցկացնի սլովակ Թեքեքս Միկալի հետ:
Երեկոյան մրցահերթում էլ (18:00) պայքարի մեջ կմտնի 80 կգ քաշային Համբարձում Հակոբյանը՝ մենամարտելով մոլդովացի Քոսիան Դմիտրիի հետ:
ԿԳՄՍՆ-ից հիշեցնում են՝ Եվրոպայի բռնցքամարտի առաջնությունը կտևի մինչև մայիսի 30-ը:
Առաջնությունն ընդունում է Կարեն Դեմիրճյանի անվան մարզահամերգային համալիրը: Առաջնությանը մասնակցում են 39 երկրի 200-ից ավելի մարզիկներ:
Նախնական մենամարտերը կմեկնարկեն մայիսի 23-ից, իսկ մայիսի 27-ին կսկսվեն կիսաեզրափակիչները, եզրափակիչները կկայանան մայիսի 30-ին:
Եվրոպայի առաջնության մրցանակային ֆոնդը կազմում է 260 հազար դոլար:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախի հյուսիսային և հյուսիսարևմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի. ՊԲ

Հանրապետությունում հայտարարվել է մասնակի զորահավաք  

Անհանգստանալու եւ խուճապի մատնվելու կարիք չկա. միայն խնդրում եմ հետեւել բացարձակապես պաշտոնական լրահոսին եւ սադանքների չտրվել

Ադրբեջանական սադրանքի հետևանքով հայկական կողմն ունի մեկ վիրավոր. նրա վիճակը գնահատվում է բավարար

Թշնամու հարվածային ԱԹՍ-ի կիրառումից մահացու վիրավորում է ստացել մեկ զինծառայող. կան վիրավորներ. ՊԲ

Ինչպե՞ս կկազմակերպվի երթևեկությունն այլընտրանքային ճանապարհով. Հայկ Խանումյանը մանրամասներ է ներկայացրել

Մեկնարկել է 40 հազար դրամի չափով աջակցության հայտերի ընդունումը

Արցախի այս կամ այն հատվածում ընթացող թեժ մարտերի մասին շրջանառվող տեղեկություններն իրականությանը չեն համապատասխանում. ՊԲ

Նախագահ Հարությունյանն ուժային կառույցների պատասխանատուների մասնակցությամբ խորհրդակցություն է հրավիրել

Search