ՍՏԵՓԱՆԱԿԵՐՏ, 8 հունիսի, ԱՐՑԱԽՊՐԵՍ: Համաշխարհային տնտեսությունն այս տարի կաճի 2,9 տոկոսով։ Սա ավելի քիչ է, քան 2021 թվականի 5,7 տոկոս համաշխարհային աճը եւ 2022 թվականի հունվարին կանխատեսված 4,1 տոկոսը։ «Շատ երկրների համար դժվար կլինի խուսափել ռեցեսիայից»,-news.am-ի փոխանցմամբ՝  ասել է Համաշխարհային բանկի նախագահ Դեյվիդ Մալպասը: 

Միայն Միացյալ Նահանգների համար Համաշխարհային բանկը վատացրել է իր աճի կանխատեսումն այս տարի մինչեւ 2,5 տոկոս՝ 2021 թվականի 5,7 տոկոսից եւ հունվարին կանխատեսված 3,7 տոկոսից: Եվրոպական 19 երկրների համար, որոնք օգտագործում են եվրոն, ՀԲ-ն այս տարի նվազեցրել է իր աճի կանխատեսումը մինչեւ 2,5 տոկոս՝  նախորդ տարվա 5,4 տոկոսից եւ հունվարին սպասվող 4,2 տոկոսից: 

Չինաստանում, որն աշխարհի երկրորդ տնտեսությունն է, աճը կդանդաղի մինչեւ 4,3 տոկոս՝ նախորդ տարվա 8,1 տոկոսից։