Այսօր՝ հունիսի 16-ին, Ստեփանակերտի Մշակույթի և երիտասարդության պալատում կայացել է «Մենք ենք, մեր սարերը» երգի-պարի պետական համույթի համերգը։
Մայրաքաղաքում կայացել է «Մենք ենք, մեր սարերը» երգի-պարի պետական համույթի համերգը
ՍՏԵՓԱՆԱԿԵՐՏ, 16 հունիսի, ԱՐՑԱԽՊՐԵՍ։ «Արցախպրես»-ի թղթակցի հետ զրույցում համույթի գեղարվեստական ղեկավար Գարի Ավանեսյանն ասել է, որ 44-օրյա պատերազմից հետո առաջին անգամ են հանդես գալիս համերգային ծրագրով։
«Երկար ենք պատրաստվել այս համերգին։ Նպատակ ունենք մեր ազգաբնակչությանը ներկայացնել ժողովրդական, ազգագրական, հայրենասիրական երգարվեստը։ Հետպատերազմական ժամանակաշրջանում նման համերգն անհրաժեշտ է հանդիսատեսին, որպեսզի չընկճվի։ Մենք՝ մշակութային գործիչներս, պետք է ժողովրդի ոգին միշտ բարձր պահենք»,-նշեց Գ. Ավանեսյանը։
Նա իրազեկել է, որ առաջիկայում նախատեսում են համերգային ծրագրով հանդես գալ Մարտունի, Ասկերան և Մարտակերտ քաղաքներում։ Համերգի ընթացքում հնչել են հայ կոմպոզիտորների ստեղծագործություններ, ազգագրական և գուսանների հայրենասիրական երգեր։
Միջոցառմանը ներկա էր ԱՀ ԿԳՄՍ նախարար Անահիտ Հակոբյանը, մայրաքաղաքի մշակութասեր հանրություն։