Artsakhpress

Հասարակական

Բերքաձորում պտղատու նոր այգիներ են հիմնել

Արցախի Հանրապետության Ասկերանի շրջանի Բերքաձոր համայնքի բնակչության հիմնական զբաղմունքը գյուղատնտեսությունն է. կան հիմնարկ-ձեռնարկություններում աշխատողներ ևս:

Բերքաձորում պտղատու նոր այգիներ են հիմնել

Բերքաձորում պտղատու նոր այգիներ են հիմնել

ՍՏԵՓԱՆԱԿԵՐՏ, 22 հունիսի, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում տեղեկացրել է համայնքի ղեկավար Զարինե Մեքիյանը:

«Սիրիայից Արցախ տեղափոխված Ասմարյան եղբայրները մեր համայնքում մրգատու այգիներ են հիմնել, պատերազմից հետո էլ մեծացրել դրանք: Պետական աջակցությամբ 4 ընտանիքների ջերմոցներ են տրամադրվել, ընդ որում` մեկը Մարտունու շրջանի` թշնամու տիրապետության տակ անցած Շեխեր գյուղից է տեղահանվել: Նրանք էլ վարունգ, լոլիկ, կանաչեղեն, բանջարաբոստանային տարբեր մշակաբույսեր են աճեցրել: Ուրախալի է, որ վերջերս տեղացած կարկուտից ջեմոցները չեն տուժել: Տեղահանված 8 ընտանիք էլ ԿԽՄԿ-ի կողմից բանջարաբոստանային մշակաբույսերի սերմեր է ստացել, ցանել ու արդեն բերքը հավաքել. արդյունքները գոհացուցիչ են»,-պատմել է Զ. Մեքիյանը:

Նրա խոսքով՝ գյուղում նաև մանր եղջերավոր անասուններ են պահում: Ավետարանոցից տեղահանված և Բերքաձորում հաստատված մեկ ընտանիք էլ, որը մինչև  44-օրյա պատերազմը Ակնայի շրջանում անասնապահությամբ էր զբաղվում, այժմ նույն գործունեությունն իրենց համայնքում է իրականացնում: Գյուղի երիտասարդ ընտանիքներից մեկը 33 գլուխ անասուն ունի. գլխաքանակն ավելացնելու ցանկությունը մեծ է։ Երկու տնտեսություն էլ զբաղվում է թռչնաբուծությամբ:
Մեր զրուցակիցը նշել է, որ գյուղին պատկանող 12 հեկտար տարածք տրամադրել են Ականազերծման կենտրոնին։

Որպես գյուղի հիմնախնդիր` համայնքի ղեկավարն առանձնացրել է երեխաների համար ժամանցի ապահովումը:

«Ներհամայնքային ճանապարհներն ասֆալտապատ են, երեխաներն էլ իրենց խաղերը կազմակերպում են փողոցներում, ինչը վտանգավոր է: Գյուղում խաղահրապարակ կամ մարզահրապարակ կառուցելու ցանկություն ունենք»,-ասել է նա և հավելել, որ գյուղում կառուցված նոր թաղամասը կոյուղի չունի, ինչը հրատապ խնդիրներից մեկն է: Համայնքում գործում է ակումբ, որը վերանորոգման կարիք ունի:

Բնակիչներն ապահովված են էլեկտրաէներգիայով, շուրջօրյա ջրամատակարարմամբ, գյուղը գազաֆիկացված է։


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Էլեկտրաէներգիայի սակագների փոփոխության վերաբերյալ որոշումն ուժը կորցրած է ճանաչվել. Հայկ Խանումյան

Ադրբեջանական սադրանքի հետևանքով հայկական կողմն ունի 3 զոհ․ ՀՀ ՊՆ

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ՀՀ ԳՇ պետի տեղակալ

Ռուսական ուժերը ոչնչացրել են «Բայրաքթար» դրոնների կառավարման վերերկրյա կայանը

ՀայՓոստ նշած բոլոր շահառուների դրամական աջակցության փոխանցումները կատարվել են. ԱՀ բնակարանային հարցերի կոմիտե

Լուրերը, թե Արցախից ջոկատներ են ժամանել Ջերմուկ սահմանների պաշտպանությանն աջակցելու համար, իրականությանը չեն համապատասխանում. ՀՀ ՊՆ խոսնակ

Ադրբեջանի ԶՈւ-ն ականանետերի և խոշոր տրամաչափի հրաձգային զինատեսակների կիրառմամբ կրակ է բացել հայ-ադրբեջանական սահմանի արևելյան ուղղությամբ

Սեպտեմբերի 27-ին ժամը 11:00-ին Ստեփանակերտում կհայտարարվի Լռության րոպե, կկայանա Խաչերթ

Արցախյան «Հաթերք ֆուդ»-ը ոսկե մեդալի է արժանացել Լոնդոնում կայացած հեղինակավոր մրցույթում

Search