ՆԱՏՕ-ի գլխավոր քարտուղար Յենս Սթոլտենբերգը հայտարարել է, որ դաշինքը կանի հնարավոր ամեն բան Լատվիան, Լիտվան եւ Էստոնիան արտաքին սպառնալիքից պաշտպանելու համար։
Սթոլտենբերգը խոստացել է պաշտպանել Բալթյան երկրներն արտաքին սպառնալիքից
ՍՏԵՓԱՆԱԿԵՐՏ, 27 hունիսի, ԱՐՑԱԽՊՐԵՍ:Այս մասին գրում է News.am-ը։
«Մենք երբեք մեր օպերատիվ պլանների մասին մանրամասներ չենք հաղորդում։ Բայց կարող եմ հավաստիացնել ձեզ, որ մենք կարողացել ենք պաշտպանել Ռուսաստանին սահմանակից երկրներին տասնամյակների ընթացքում՝ ճշտելով մեր ներկայությունը սպառնալիքի գնահատման համատեքստում»,- ասել է նա՝ ընդգծելով, որ դաշինքը ինչպես նախկինում, այնպես էլ այժմ կշարունակի անել դա։
Նրա խոսքով՝ Մադրիդում հունիսի 29-30-ին սպասվող գագաթաժողովում Հյուսիսատլանտյան դաշինքի անդամները «մասշտաբային եւ կարեւոր որոշում կկայացնեն հավաքական անվտանգության հետագա ամրապնդման» համար։
Սթոլտենբերգը նշել է, որ այդ միջոցներն արմատապես կբարելավեն արեւելքում ՆԱՏՕ-ի պաշտպանությունը։ Նոր ռազմավարական հայեցակարգը կնշի 2030-ական թթ. նպատակներն ու մոտեցումները, թույլ կտա ընդունել արեւելյան դաշնակիցների պաշտպանության բավական ընդլայնված պլան՝ ի պատասխան «ռուսական սպառնալիքի»։
Գլխավոր քարտուղարը նշել է, որ Բալթյան երկրներում զորակազմի ավելացման հարցերը քննարկել է այդ երկրների ղեկավարների հետ։ Էստոնիայի վարչապետ Կայա Կալասն, օրինակ, հայտարարել է, որ ՆԱՏՕ-ի մեծ ներկայության հույս ունի։ «Եվ ես կարող եմ դա խոստանալ նրան»,- ընդգծել է ՆԱՏՕ-ի ղեկավարը։
