Artsakhpress

Հասարակական

«Աննա Աստվածատուրյան» հիմնադրամի «Սեր Արցախ» ծրագրի շրջանակներում 161 երեխա ստացել է իր նվեր տուփը

«Ի պատիվ և աջակցություն Արցախի ուժեղ ու հերոսական ընտանիքների, որոնց օրինակը ոգեշնչող է»:

«Աննա Աստվածատուրյան» հիմնադրամի «Սեր Արցախ» ծրագրի շրջանակներում 161 երեխա ստացել է իր նվեր տուփը

«Աննա Աստվածատուրյան» հիմնադրամի «Սեր Արցախ» ծրագրի շրջանակներում 161 երեխա ստացել է իր նվեր տուփը
ՍՏԵՓԱՆԱԿԵՐՏ, 4 հուլիսի, ԱՐՑԱԽՊՐԵՍ։ Սա է «Աննա Աստվածատուրյան» հիմնադրամի կողմից նախաձեռնած «Սեր Արցախ» բարեգործական ծրագրի կարգախոսը. սեր բերել բոլոր այն ընտանիքներ, որոնք հայտնվել են նման դժվարին պայմաններում :
 
«Սեր Արցախ» ծրագրի շրջանակներում Արցախի ծննդկան մայրիկներին տրամադրվող նվեր-տուփերի մեջ ներառված պարագաները՝ գիշերանոցը, քնապարկը, սրբիչները, վերմակը, խնամքի հիմնական պարագաները (անձեռոցիկներ, մանկական շամպուն, ջերմաչափ և ծծակ), ծննդկանի համար նախատեսված հիգիենայի պարագաները, ինչպես նաև Հայաստանում անհատական պատվերով նախագծված փափուկ մանկական գրքերը և փայտե անիվներով խաղալիքները պատրաստվում են Հայաստանում և Արցախում: Արցախում հոգատարությամբ հավաքվում և ուղարկվում են ծննդատներ` սպասելու հերթական բալիկի ծննդյան պահին:
 
Ծննդատները երեքն են` Մարտակերտում, Մարտունիում և Ստեփանակերտում: Ծրագրի մեկներկից ի վեր արդեն 161 երեխա, որոնցից 10-ը Մարտակերտում, 6-ը` Մարտունիում, ստացել է իր նվեր-տուփը: Նորածինների մեջ եղել են նաև 2 երկվորյակներ` գեղեցկուհի զույգ քույրերը և իրենց պապերի ուժը ժառանգած զույգ եղբայրները:
 
Տարածված անուններից է Վիկտորիան. ծնողները հույս ունեն, որ երեխայի անվան ընտրությունը բախտորոշիչ կլինի ինչպես բալիկի, այնպես էլ Արցախի ճակատագրում:
 
«Ամենաշատն ինձ ուրախացրեց մեկ օրում 18 տուփի նվիրման մասին լուրը: Այն պահին, երբ մայրերից տեղեկացա, թե որքան օգտակար են մեր նվեր-տուփերն իրենց բալիկներին մեծացնելու համար, հասկացա սփյուռքի համար այս ծրագրը շարունակական պահելու կարևորությունը»- նշեց «Աննա Աստվածատուրյան» հիմնադրամի նախագահ Աննա Աստվածատուրյան Թերքոթը և հավելեց,- «Չնայած Բաքվից փախստականի իմ մանկությանը, ծնողներս ինձ սովորեցրել են միշտ ձգտել ավելիին կյանքում: Իմ այս նախագծով ես ընտրում եմ նույնը անել Արցախում։ Հայրենիքումս ապրող երեխաները մշտապես իմ ուշադրության կենտրոնում են: Ես երբեք չեմ դադարի աշխատել նրանց համար ավելի լավ ապագա ստեղծելու ուղղությամբ»:
 
 
 
Յուրաքանչյուր ծննդկանի նկատմամբ ցուցաբերվում է անհատական մոտեցում: Համագործակցելով Արցախի Առողջապահության նախարարության հետ` հիմնադրամը տեղեկանում է` երբ են մայրերը դուրս գրվելու հիվանդանոցներից: Հիմնադրամի համար կարևոր է, որ ծնված ոչ մի փոքրիկ ծննդատնից դուրս չգա առանց նվեր-տուփը ստանալու:
 
«Մայրիկները նվերը միշտ ընդունում են շնորհակալությամբ: Շատերը նույնիսկ սպասում են մեր նվեր-տուփերին: Եղել է դեպք, երբ մեզ հետ կապ է հաստատել հղի կին և տեղեկացրել, որ մի քանի ամիս հետո ծնվելու է իր երեխան: Մեզ խնդրել է չմոռանալ իր բալիկի մասին և անպայման այցելել իրեն»,- ժպիտով հիշում է «Աննա Աստվածատուրյան» հիմնադրամի Արցախի ներկայացուցիչ Արմինե Վարդանյանը:
 
Աննա Աստվածատուրյան Թերքոթը ամերիկաբնակ հայ գրող, բարերար, իրավաբան, Վեստբրուկ բնակավայրի քաղխորհրդի ընտրված նախագահ, «Աննա Աստվածատուրյան» հիմնադրամի նախագահն է: Աննան նաև «Ոչ մի տեղ․ արտաքսման մի պատմություն» (անգլ.՝ Nowhere, a Story of Exile) ինքնակենսագրական գիրքի հեղինակն է` հիմնված 11 տարեկանում գրված իր օրագրի վրա, որում նա ներկայացնում է Բաքվում հայերի ջարդերից փախչող իր ընտանիքի պատմությունը: 2013 թվականին նա Մենում հաջողությամբ աշխատել է օրենսդիր մարմնի կողմից Արցախի Հանրապետության պաշտոնապես ճանաչման ուղղությամբ: Դրանից ի վեր Աստվածատուրյան Թերքոթը Հայաստանում և Արցախում իրականացրել է բարեգործական մի շարք ծրագրեր: 2020թ. հիմնել է «Աննա Աստվածատուրյան» բարեգործական հիմնադրամը: Հիմադրամի խոշոր նախագծերից է 44-օրյա պատերազմից հետո իրականացված «Արցախյան պատերազմ 2020. կորուստներ, մարտահրավերներ և դիմակայության զարգացման հնարավորություններ» հետազոտությունը: Այժմ «Աննա Աստվածատուրյան» հիմնադրամը մեկնարկում է «Սեր Արցախ» ծրագիրը, որն ուղղված է Արցախում նորածին երեխաներ ունեցող ընտանիքների աջակցությանը:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախի հյուսիսային և հյուսիսարևմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի. ՊԲ

Հանրապետությունում հայտարարվել է մասնակի զորահավաք  

Անհանգստանալու եւ խուճապի մատնվելու կարիք չկա. միայն խնդրում եմ հետեւել բացարձակապես պաշտոնական լրահոսին եւ սադանքների չտրվել

Ադրբեջանական սադրանքի հետևանքով հայկական կողմն ունի մեկ վիրավոր. նրա վիճակը գնահատվում է բավարար

Թշնամու հարվածային ԱԹՍ-ի կիրառումից մահացու վիրավորում է ստացել մեկ զինծառայող. կան վիրավորներ. ՊԲ

Ինչպե՞ս կկազմակերպվի երթևեկությունն այլընտրանքային ճանապարհով. Հայկ Խանումյանը մանրամասներ է ներկայացրել

Մեկնարկել է 40 հազար դրամի չափով աջակցության հայտերի ընդունումը

Արցախի այս կամ այն հատվածում ընթացող թեժ մարտերի մասին շրջանառվող տեղեկություններն իրականությանը չեն համապատասխանում. ՊԲ

Նախագահ Հարությունյանն ուժային կառույցների պատասխանատուների մասնակցությամբ խորհրդակցություն է հրավիրել

Search