Ճապոնիայի ֆինանսների նախարարությունը հայտարարել է ուկրաինական հակամարտության պատճառով Ռուսաստանի դեմ նոր պատժամիջոցներ սահմանելու մասին` արգելելով ռուսական ոսկու ներկրումը և երկրին մի շարք ծառայություններ մատուցել։
Ճապոնիան նոր պատժամիջոցներ է սահմանել Ռուսաստանի դեմ
ՍՏԵՓԱՆԱԿԵՐՏ, 5 հուլիսի, ԱՐՑԱԽՊՐԵՍ։ Այդ մասին հայտնում են գերատեսչության մամուլի ծառայությունից, փոխանցում է Panorama.am-ը։
«Արգելք է սահմանել Ռուսաստանի Դաշնությունից թանկարժեք մետաղների (ոսկու) ներկրման վրա»,-ասված է նախարարության հաղորդագրության մեջ։
Գերատեսչությունում արգելքի մանրամասները խոստացել են հրապարակել ավելի ուշ։
Բացի այդ, Ճապոնիան սեպտեմբերի 5-ից արգելել է Ռուսաստանում հաշվապահական, աուդիտորական, խորհրդատվական և հավատարմագրային ծառայությունների մատուցումը։
