Artsakhpress

Միջազգային

Մեծ Բրիտանիայում վերջին 24 ժամում 4 նախարար է հրաժարական տվել. պատճառը վարչապետի նկատմամբ անվստահությունն է

Վերջին 24 ժամում Մեծ Բրիտանիայում հրաժարական է տվել չորս նախարար: Դպրոցների գծով պետնախարար Ռոբին Ուոքերը, հայտարարել է, որ հրաժարական է տալիս նախկին փոխարտգործնախարար Քրիստոֆեր Պինչերի նշանակման հետ կապված սկանդալի պատճառով:

Մեծ Բրիտանիայում վերջին 24 ժամում 4 նախարար է հրաժարական տվել. պատճառը վարչապետի նկատմամբ անվստահությունն է

Մեծ Բրիտանիայում վերջին 24 ժամում 4 նախարար է հրաժարական տվել. պատճառը վարչապետի նկատմամբ անվստահությունն է

ՍՏԵՓԱՆԱԿԵՐՏ, հուլիսի 6, ԱՐՑԱԽՊՐԵՍ։  Այս մասին գրում է Tert.am-ն:

«Ցավոք, վերջին իրադարձություններն ինձ ցույց տվեցին, որ մեր հիանալի կուսակցությունը, որին ես պաշտպանել եմ իմ ողջ հասուն կյանքը, շեղվել է իր հիմնական առաքելությունից՝ ղեկավար պաշտոնների խնդիրների վրա անդադար կենտրոնանալու պատճառով… Ցավոք, վերջին ամիսներին սխալները ստվերում են ձեր կառավարության մեծ ձեռքբերումները… թեև ես չեմ կարող մտածել ավելի լավ կամ ավելի օգտակար աշխատանքի մասին, քան այն, ինչ անում եմ, սակայն սթափ մտքով չեմ կարող շարունակել աշխատել ձեր կառավարությունում», - գրել է Ուոքերը Մեծ Բրիտանիայի վարչապետ Բորիս Ջոնսոնին ուղղված նամակում, որը նա հրապարակել է Twitter-ում՝ հայտարարելով իր հրաժարականի մասին։

Հիշեցնենք, որ նախքան այս Մեծ Բրիտանիայի ֆինանսների նախարար Ռիշի Սունակը և առողջապահության նախարար Սաջիդ Ջավիդն հայտարարել էին, որ հրաժարական են տալիս վարչապետ Բորիս Ջոնսոնի նկատմամբ անվստահության և նրա ղեկավարման մեթոդների հետ անհամաձայնության պատճառով։ Նմանատիպ որոշման մասին հայտնել են մի շարք այլ պաշտոնյաներ, այդ թվում՝ Մեծ Բրիտանիայի երեխաների և ընտանիքների հարցերով նախարար Ուիլ Քվինսը:

Անցյալ շաբաթ հայտնի էր դարձել, որ Մեծ Բրիտանիայի նախկին փոխարտգործնախարար Քրիստոֆեր Պինչերը նախկինում լոնդոնյան ակումբներից մեկում հարբած վիճակում ծեծկռտուք էր կազմակերպել։ Մի շարք քաղաքական գործիչներ պնդում են, որ վարչապետ Բորիս Ջոնսոնը Պինչերին նշանակել է Պահպանողական կուսակցության խորհրդարանական խմբակցության փոխհամակարգողի պաշտոնում, թեև իմացել է նրա տխրահռչակ անցյալի մասին։

Ջոնսոնը ներողություն է խնդրել և խոստովանել, որ «հետ նայելով՝ գիտակցում է, որ սխալ բան է արել», սակայն այս հայտարարությանը հաջորդել են մի շարք հրաժարականներ՝ վարչապետի նկատմամբ անվստահության պատճառով։


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ստեփանակերտ-Ասկերան ավտոճանապարհին ՃՏՊ-ի հետևանքով 4 կին տեղում մահացել է

ԱԽ գրասենյակը հայտնել է, թե ինչու է Բալասանյանը ՌԴ խաղաղապահների և Ադրբեջանի ներկայացուցիչների հետ այցելել Բերձոր

Արայիկ Հարությունյանը մասնակի զորահավաքի ընթացքում զորակոչվածներին զորացրում կատարելու մասին հրամանագիր է ստորագրել

Պետաջակցության համար ներկայացված  ավելի քան 47 հազար դիմումից  25 հազարի վարկն արդեն մարվել է. Ներդրումային հիմնադրամի պատասխանատու

Կարմիր խաչի ներկայացուցիչներն այցելել են Բաքվում պահվող հայ գերիներին

Ողբերգական ավտովթար Ստեփանակերտ-Այգեստան-Դրմբոն ավտոճանապարհին

Ղարաբաղը Ադրբեջանի կազմում ոչինչ չի ունենա, քանի որ ինքը Ղարաբաղը չի լինի․Բաբայան

Իսպանացի բժիշկները Ստեփանակերտում և շրջաններում բարեգործական վիրահատություններ կիրականացնեն

Պետք է զինվել ամուր համբերությամբ և չշեղվել Արցախի անկախության ուղուց. նախագահ Հարությունյանն այսօր Ճարտարում էր

Search