ՍՏԵՓԱՆԱԿԵՐՏ, 13 հուլիսի, ԱՐՑԱԽՊՐԵՍ։ Այս մասին «Արցախպրես»-ը տեղեկանում է Արցախի պետական համալսարանից։

 

«Ղարաբաղ-Շամախիի կամ ծայրհյուսիսարևելյան միջբարբառախումբ. արդի վիճակ, միտումներ և մարտահրավերներ» խորագրով միջազգային գիտաժողովը, որը համատեղ կազմակերպում են ՀՀ ԳԱԱ լեզվի ինստիտուտը և Արցախի պետական համալսարանը, խնդիր ունի նպաստելու բարբառախմբի՝ ինչպես պատմական, այնպես էլ համաժամանակյա դիտակետերով համակողմանի հետազոտությանը, նաև մեկտեղելու ջանքերը՝ ըստ հնարավորին դիմագրավելու որոշ բարբառային միավորների սպառնացող կորստյան վտանգին:

 

Կազմակերպիչները ցանկացողներին հրավիրում են մասնակցելու Երևանում հոկտեմբերի 20- 21-ը  կայանալիք գիտաժողովին, որը կանցկացվի առկա և հեռավար ձևաչափերով։ Աշխատանքային լեզուներն են՝ հայերենը, անգլերենը, ռուսերենը։

 

Գիտաժողովին զեկուցումով մասնակցելու համար (առկա կամ հեռավար) անհրաժեշտ է լրացնել մասնակցության հայտը և ուղարկել viktorkatvalyan@mail.ru էլեկտրոնային հասցեին մինչև 2022թ. սեպտեմբերի 15-ը ։

 

Գիտաժողովի մասնակցության հայտերի ընդունման և հոդվածների ներկայացման վերջնաժամկետը մինչև ընթացիկ տարվա  սեպտեմբերի 15-ն է։