Artsakhpress

Միջազգային

Amnesty International-ը ներողություն է խնդրել Ուկրաինայի վերաբերյալ վերջին զեկույցի առնչությամբ

Amnesty International իրավապաշտպան կազմակերպությունը, որը օգոստոսի 4-ին հրապարակել է ուկրաինական բանակի կողմից միջազգային իրավունքի խախտման մասին զեկույցը, ներողություն է խնդրել այն բանի համար, որ զեկույցի հրապարակումը վիշտ ու զայրույթ է առաջացրել ուկրաինական իշխանությունների մոտ։

Amnesty International-ը ներողություն է խնդրել Ուկրաինայի վերաբերյալ վերջին զեկույցի առնչությամբ

Amnesty International-ը ներողություն է խնդրել Ուկրաինայի վերաբերյալ վերջին զեկույցի առնչությամբ

ՍՏԵՓԱՆԱԿԵՐՏ, 7 օգոստոսի, ԱՐՑԱԽՊՐԵՍ։ Tert.am-ի փոխանցմամբ, այս մասին հայտնում է Reuters-ը՝ վկայակոչելով կազմակերպության հայտարարությունը։

Դրանում ասվում է, որ ուկրաինական բանակը ռազմական նպատակներով օգտագործել է քաղաքացիական օբյեկտները։ Զեկույցը քննադատել է Ուկրաինայի նախագահ Վլադիմիր Զելենսկին։ Նրա խոսքով՝ Amnesty International-ը փորձել է «պատասխանատվությունն ագրեսորից տեղափոխել զոհի վրա»։

Բացի այդ, զեկույցի հրապարակումից հետո Amnesty International-ի ուկրաինական գրասենյակի ղեկավար Օքսանա Պոկալչուկը հրաժարական է տվել։

«Amnesty International-ը խորապես ցավում է ուկրաինացի զինվորականների կողմից պատերազմի մարտավարության մասին մեր զեկույցի պատճառած տառապանքի և զայրույթի համար: Amnesty International-ի առաջնահերթությունը այս և ցանկացած հակամարտությունում խաղաղ բնակչության պաշտպանությունն ապահովելն է։ Իսկապես, սա էր մեր միակ նպատակը՝ հրապարակելով այս վերջին ուսումնասիրությունը: Թեև մենք լիովին աջակցում ենք մեր բացահայտումներին, մենք ցավում ենք պատճառված ցավի համար», - ասվում է կազմակերպության հայտարարության մեջ:

Amnesty International-ի զեկույցում ասվում է, որ կազմակերպության մասնագետները արձանագրել են 19 բնակավայրերում բնակելի շենքերի ռազմական նպատակներով օգտագործումը, ինչպես նաև դպրոցների և հիվանդանոցների ռազմական նպատակների օգտագործումը։

«Սա չի նշանակում, որ Amnesty International-ը ուկրաինական ուժերին պատասխանատու է համարում ռուսական ուժերի կողմից կատարված խախտումների համար, կամ որ ուկրաինացի զինվորականները համապատասխան նախազգուշական միջոցներ չեն ձեռնարկում երկրի այլ մասերում: Մենք պետք է շատ հստակ լինենք, որ ուկրաինական ուժերի գործողություններում մեր փաստագրածը որևէ կերպ չի արդարացնում Ռուսաստանի կողմից խախտումները»,- ասվում է հայտարարության մեջ։


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Էլեկտրաէներգիայի սակագների փոփոխության վերաբերյալ որոշումն ուժը կորցրած է ճանաչվել. Հայկ Խանումյան

Ադրբեջանական սադրանքի հետևանքով հայկական կողմն ունի 3 զոհ․ ՀՀ ՊՆ

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ՀՀ ԳՇ պետի տեղակալ

Ռուսական ուժերը ոչնչացրել են «Բայրաքթար» դրոնների կառավարման վերերկրյա կայանը

ՀայՓոստ նշած բոլոր շահառուների դրամական աջակցության փոխանցումները կատարվել են. ԱՀ բնակարանային հարցերի կոմիտե

Ադրբեջանի ԶՈւ-ն ականանետերի և խոշոր տրամաչափի հրաձգային զինատեսակների կիրառմամբ կրակ է բացել հայ-ադրբեջանական սահմանի արևելյան ուղղությամբ

Ստեփանակերտում Կոմիտասի ծննդյան 153-ամյակին նվիրված երեկո է կազմակերպվել

Փայլանը՝ Թուրքիայի իշխանություններին․ «Նախ ներողություն խնդրեք հայերից, քրդերից և ասորիներից»

Համայնքի տարածքում բացօթյա առևտրի թույլտվության համար սահմանվել է օրական 100-350 դրամի չափով տեղական տուրք

Search