Artsakhpress

Հասարակական

Բերձորցիները չեն շտապում լքել իրենց տները

Արցախի Հանրապետության Քաշաթաղի շրջանի Բերձոր քաղաքը մինչև 2020 թվականի 44-օրյա պատերազմն ունեցել է 2000 բնակիչ,  այսօր՝ շուրջ 170 բնակիչ։ Նրանք էլ ստիպված են քաղաքը, իրենց տները լքել մինչև օգոստոսի 25-ը։

Բերձորցիները չեն շտապում լքել իրենց տները

Բերձորցիները չեն շտապում լքել իրենց տները
ՍՏԵՓԱՆԱԿԵՐՏ, 8 օգոստոսի, ԱՐՑԱԽՊՐԵՍ։ Panorama.am-ի հետ զրույցում Բերձորի քաղաքապետ Նարեկ Ալեքսանյանն ասել է, որ մինչև այս պահը դեռ որևէ մեկը որևէ ուղղությամբ դուրս չի եկել քաղաքից։
 
«Փաստ է, որ դուրս են գալու, իսկ թե որ ուղղությամբ, կողմնորոշման խնդիր է։ Արցախի տարածքում կոնկրետ բնակավայրեր տեսնելու խնդիր կա։ Բնակիչներից մի քանիսի հետ հիմա նայում ենք կոնկրետ բնակավայր, թե ուր կարող են գնալ»,- նշել է քաղաքապետը։
 
Նրա խոսքով, դեռևս որևէ վիճակագրական տվյալ չկա, թե ուր են ուզում գնալ բերձորցիները՝ Հայաստան, թե Արցախ. «Կողմնորոշումներն ամեն վայրկյան փոխվում են»։ 
 
Ինչ վերաբերում է խոսակցություններին, թե Բերձորից, Աղավնոյից հեռացողներն այրեն իրենց տները, Ն. Ալեքսանյանն ասել է. «Ովքեր հորդորում են տները այրել, խնդրում եմ այդ մարդիկ գան այստեղ, տեղում այրելու ու չայրելու դրական ու բացասական կողմերը մանրամասնորեն ներկայացնեն»։
 
Նա խնդրեց, հորդորեց այն մարդկանց, ովքեր իրենցից կիլոմետրերով հեռու են գտնվում, ևս մեկ անգամ այստեղ գտնվող մարդկանց հույզերի հետ խաղ են անում, թող գան այստեղ, այս պահին Բերձորի, Աղավնոյի ժողովուրդն իրենց կարիքն ունեն. «Եկեք, այս վերջին օրերին եղեք այդ մարդկանց կողքին, ամեն մեկը թող իր հնարավորությունների սահմաններում օգնի այս մարդկանց»։
 
Նարեկ Ալեքսանյանը նաև Բերձորում, Աղավնոյում չի տեսնում այն մարդկանց, ովքեր ինքնապաշտպանություն կազմակերպելու կոչեր են անում։
 
«Իսկ ո՞ւր են նրանք։  Որևէ մեկը չեկավ ինքնապաշտպանությունը կազմակերպելու համար։ Չեն ասում, անում են»,- ասել է Բերձորի քաղաքապետը։
 
Նրա կարծիքով, եթե նույնիսկ կազմակերպվի ինքնապաշտպանություն, արդյունք չի տա, բայց՝ «փորձը փորձանք չի»։
 
Ն. Ալեքսանյանն ասել է, որ Բերձորի տարածքում գտնվող հուշարձանները պետք է տեղափոխվեն ապահով վայր՝ հաշվի առնելով Շուշիում, Հադրութում վանդալիզմի, պղծման դեպքերը։ 
 
«Շատ են հուշարձանները, հիմնականում խաչքարար։ Արդեն սկսել ենք դրանք ապահով վայրեր տեղափոխելը»,- ասել է Նարեկ Ալեքսանյանը։

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Էլեկտրաէներգիայի սակագների փոփոխության վերաբերյալ որոշումն ուժը կորցրած է ճանաչվել. Հայկ Խանումյան

Ադրբեջանական սադրանքի հետևանքով հայկական կողմն ունի 3 զոհ․ ՀՀ ՊՆ

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ՀՀ ԳՇ պետի տեղակալ

Ռուսական ուժերը ոչնչացրել են «Բայրաքթար» դրոնների կառավարման վերերկրյա կայանը

ՀայՓոստ նշած բոլոր շահառուների դրամական աջակցության փոխանցումները կատարվել են. ԱՀ բնակարանային հարցերի կոմիտե

Ադրբեջանի ԶՈւ-ն ականանետերի և խոշոր տրամաչափի հրաձգային զինատեսակների կիրառմամբ կրակ է բացել հայ-ադրբեջանական սահմանի արևելյան ուղղությամբ

Անվտանգության խորհրդի նիստում Արցախի հարցով միաձայն հայտարարություն է ընդունվել

Համայնքի տարածքում բացօթյա առևտրի թույլտվության համար սահմանվել է օրական 100-350 դրամի չափով տեղական տուրք

Փայլանը՝ Թուրքիայի իշխանություններին․ «Նախ ներողություն խնդրեք հայերից, քրդերից և ասորիներից»

Search