Ըստ քաղաքացիական պաշտպանության պլանի՝ Քաշաթաղի Բերձոր, Աղավնո, Ներքին Սուսի համայնքների բնակչության տարհանմանը զուգահեռ , շարունակվում է նաև մոնումենտալ արվեստի հուշարձանների տեղափոխման գործընթացը:
Բերձորից, Աղավնոյից և Ներքին Սուսից տարհանված կոթողներն իրենց ուրույն տեղը կունենան. փոխնախարար
ՍՏԵՓԱՆԱԿԵՐՏ, 10 օգոստոսի, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում տեղեկացրել է Արցախի Հանրապետության ԿԳՄՍ նախարարի տեղակալ Լեռնիկ Հովհաննիսյանը՝ մանրամասնելով, որ տարհանվող մշակութային ժառանգությունը ներառում է խաչքարեր, հուշակոթողներ, տապանաքարեր, թանգարանային ցուցանմուշներ և գրադարանային ֆոնդը:
Չի բացառվում, որ Ստեփանակերտի Սուրբ Աստվածամոր Հովանու մայր տաճարի, Սուրբ Հակոբ եկեղեցու տարածքներում այդ նպատակով ստեղծվեն համապատասխան պուրակներ: ԿԳՄՍ փոխնախարարի հավաստմամբ՝ Բերձորից, Աղավնոյից և Ներքին Սուսից տեղափոխված հուշարձաններն իրենց ուրույն տեղը կունենան Հանրապետությունում:
