Ղազախստանի էներգետիկայի նախարար Բոլատ Ակչուլակովը հերքել է տեղեկությունը, թե Նուր Սուլթանը նախատեսում է նավթի արտահանում՝ շրջանցելով Ռուսաստանը։
Ղազախստանը հերքել է Ռուսաստանը շրջանցող ճանապարհով նավթի արտահանման նախապատրաստումը
ՍՏԵՓԱՆԱԿԵՐՏ, 13 օգոստոսի, ԱՐՑԱԽՊՐԵՍ։ 1lurer.am-ի փոխանցմամբ, ճեպազրույցի ժամանակ պաշտոնյան հայտնել է, որ սեպտեմբերին նավթի տեղափոխման մասին որևէ համաձայնագրի ստորագրման մասին խոսք չկա:
«Բացի դրանից՝ 1,5 մլն տոննան բավական ծիծաղելի է, այդ ծավալը չի կարող լուծել մեր արտահանման հետ կապված խնդիրները»,- ասել է նախարարը՝ մեկնաբանելով ավելի վաղ Reuters-ի հրապարակումը:
Ակչուլակովը հայտնել է, որ Ղազախստանի հիմնական խնդիրը Կասպից խողովակաշարային կոնսորցիումի համակարգի անխափան աշխատանքի պահպանումն է, քանի որ դա երկրի համար առավել շահավետ տարբերակն է:
