Իրանի միջուկային ծրագրի շուրջ Վիեննայում ընթացող բանակցությունների ժամանակ ԵՄ առաջարկել է մեղմացնել Թեհրանի դեմ սահմանված առանցքային պատժամիջոցներից մեկը՝ Իրանի հետ գործարար կապեր պահպանող երրորդ երկրների քաղաքացիների դեմ սանկցիաների կիրառումը:
«ԵՄ առաջարկում է մեղմացնել Իրանի դեմ սահմանված պատժամիջոցները». Politico
ՍՏԵՓԱՆԱԿԵՐՏ, 13 օգոստոսի, ԱՐՑԱԽՊՐԵՍ։ Azatutyun.am փոխանցմամբ, այս մասին գրում է Politico հանդեսը՝ նշելով, որ ԵՄ առաջարկը տեղ է գտել Իրանի և միջազգային հանրության ներկայացուցիչների միջև կնքվելիք համաձայնագրի վերջնական նախագծում։
«Ներկայացված առաջարկի համաձայն ԱՄՆ քաղաքացի չհանդիսացող անձինք, որոնց իրանցի բիզնես-գործընկերները հարաբերություններ են պահպանում պատժամիջոցների թիրախում հայտնված կառույցների, այդ թվում՝ «Իսլամական հեղափոխության պահապանների կորպուսի» հետ սանկցիաների չեն ենթարկվի», - գրում է Politico-ն։