Artsakhpress

Սպորտ

«Freedom House»-ը կոչ է անում չգնալ Բաքվում կայանալիք Եվրոպական խաղերի

Միջազգային իրավապաշտպան «Freedom House» կազմակերպությունը քննադատել է Ադրբեջանի իշխանություններին իրավապաշտպան Ռասուլ Ջաֆարովին 6.5 տարվա ազատազրկման ենթարկելու համար:

«Freedom House»-ը կոչ է անում չգնալ Բաքվում կայանալիք Եվրոպական խաղերի

«Freedom House»-ը կոչ է անում չգնալ Բաքվում կայանալիք Եվրոպական խաղերի

ՍՏԵՓԱՆԱԿԵՐՏ, 17 ԱՊՐԻԼԻ, ԱՐՑԱԽՊՐԵՍ։  «Արմենպրես»-ի փոխանցմամբ` Եվրասիա ծրագրի ղեկավար Սյուզան Քորքը նշել է. «Մենք դատապարտում ենք Ադրբեջանի կողմից քաղաքական նկատառումներով Ռասուլ Ջաֆարովին բանտակելը, ում ծիծաղելի մեղադրանք է առաջադրվել»: «Նրանք շինծու մեղադրանքներով հետապնդում են իրականացնում մարդու իրավունքների առաջատար պաշտպանների, ինչպես նաև հետաքննող լրագրողների նկատմամբ` ներառյալ Լեյլա Յունուսին, Ինտիգամ Ալիևին, Էմին Հուսեյնովին և Խադիջա Իսմայիլովային: Ադրբեջանի իշխանությունները, թվում է, դիտավորյալ մեղադրում են ակտիվիստներին ֆինանսական խարդախությունների մեջ, մինչդեռ Իլհամ Ալիևը, իշխանության գլխին լինելով, մեծ հարստություն է դիզել: Մենք կոչ ենք անում Եվրոպական երկրների ղեկավարներին չմասնակցել 2015 թվականի հունիսին կայանալիք Եվրոպական խաղերին` դատապարտելով Ադրբեջանի գործողությունները»,-ասված է հայտարարության մեջ:

Ըստ «Freedom House»-ի հայտարարության` Ռասուլ Ջաֆարովը «Մարդու իրավունքների ակումբի» ղեկավարն է, ձերբակալվել է ԵԱՀԿ Խորհրդարանական վեհաժողովին մասնակցելուց հետո: Նա կազմակերպել է ժողովրդավարության արշավ Եվրատեսիլ 2012-ի նախաշեմին, որն անցկացվում էր Բաքվում, ինչպես նաև հրավիրել է մարդկանց ուշադրությունը Ադրբեջանում մարդու իրավունքների խախտումների վրա եվրոպական խաղերին ընդառաջ: 2014 թվականին նորվեգական Հելսինկյան ասոցիացիան Ռասուլ Ջաֆարովին, Լեյլա Յունուսին, Անար Մամեդլիին ու Ինտիգամ Ալիևին շնորհել են Անդրեյ Սախարովի Ազատության մրցանակ:

Ադրբեջանը համարվել է ոչ ազատ «Ազատության ցուցանիշ 2015» համաշխարհային վարկանիշով, ոչ ազատ «Լրատվամիջոցների ազատության ցուցանիշ 2014»-ով, մասամբ ազատ` «Համացանցում ազատության ցուցանիշ 2014»-ով, և հավաքել է ժողովրդավարության 6.68 միավոր, որտեղ 1-7 բալանոց սանդղակով 7-ը ամենաբացասական միավորն է Անցումային հասարակությունների 2014 թվականի հետազոտությունում:

Ապրիլի 16-ին Բաքվի դատարանը որոշում է կայացրել 6,5 տարվա ազատազրկման ենթարկել հայտնի ադրբեջանցի իրավապաշտպան Ռասուլ Ջաֆարովին: Դատարանը նրան մեղադրել է հարկերը վճարելուց խուսափելու, պաշտոնի չարաշահման, անօրինական ձեռներեցության, խարդախությունների մեջ: Իրավապաշտպանը հերքել է իր նկատմամբ ներկայացված բոլոր մեղադրանքները: 

Նախօրեին Մեդիայի ազատության հարցերով ԵԱՀԿ հատուկ ներկայացուցիչ Դունյա Միյատովիչը քննադատել է ադրբեջանցի իրավապաշտպան Ռասուլ Ջաֆարովի ազատազրկումը 6,5 տարով խիստ վերահսկողության բանտում:


     

Քաղաքական

Տնտեսական

Հասարակական

Ռազմական

Սուրեն Պապիկյանը մեկնել է Ֆրանսիա

ՀՀ վարչապետ Նիկոլ Փաշինյանի գլխավորած պատվիրակության կազմում պաշտպանության նախարար Սուրեն Պապիկյանը փետրվարի 21-ին աշխատանքային այցով մեկնել է Ֆրանսիայի Հանրապետություն:

Զորակոչվող բոլոր քաղաքացիները պատշաճ կարգով անցնում են առողջական վիճակի զննության անհրաժեշտ բոլոր հետազոտությունները. ՀՀ ՊՆ

Ի պատասխան զորակոչի և դրան հաջորդող շրջանում տեղ գտած որոշ հրապարակումների` Պաշտպանության նախարարությունը տեղեկացնում է, որ պարտադիր զինվորական ծառայության զորակոչվող բոլոր քաղաքացիները մինչև զորակոչվելը պատշաճ կարգով անցնում են առողջական վիճակի զննության անհրաժեշտ բոլոր հետազոտությունները, և իրավասու բժշկական հանձնաժողովների կողմից նրանց պիտանիության վերաբերյալ եզրակացությունները կայացվում են՝ ՀՀ կառավարության 2018 թվականի ապրիլի 12-ի N 404-Ն որոշման հավելված 1-ով հաստատված զինվորական ծառայության համար քաղաքացու կամ զինծառայողի պիտանիության աստիճանը որոշող հիվանդությունների ցանկին համապատասխան։

Տեսանյութեր

ավելին

Ամենադիտված

ամիս

շաբաթ

օր

Ադրբեջանը ոչնչացրել է ստեփանակերտցիների մանկության խորհրդանիշ Արծվի հուշարձանը

Պանդորա Մկրտչյանը շարունակում է Արցախում ապրել միայնակ․ նա երեկ զանգել է հարազատներին

Առողջապահության ազգային ինստիտուտում ԼՂ-ից բռնի տեղահանվածերին մատուցվում են անվճար ստոմատոլոգիական ծառայություններ

ԼՂ-ից բռնի տեղահանվածների աջակցության սահուն շարունակության համար նոր ծրագրեր են քննարկվում և մշակվում

ԼՂ-ից տեղահանվածները կարող են հաշվառվել փաստացի բնակության հասցեում, եթե նույնիսկ սեփականատերը համաձայնություն չի տվել

Փոխանակման կետերում դոլարը, եվրոն և ռուբլին էժանանում են

ԱՄՆ կատարած այցը հստակ ուղերձ ուներ՝ բոլորին ցույց տալու և ասելու, որ մենք չենք համարում, որ Արցախի թեման փակված է. Գեղամ Ստեփանյան

2024 թվականին Հայաստանը Բաքվի և Մոսկվայի ուժեղ ճնշման տակ է լինելու. Թոմ դե Վաալ

Ադրբեջանի մշակութային ցեղասպանության հերթական զոհը Ալեք Մանուկյանի արձանն է Ստեփանակերտում

Search