ՍՏԵՓԱՆԱԿԵՐՏ, 16 օգոստոսի, ԱՐՑԱԽՊՐԵՍ։ Նա արդեն չորս անգամ պատվաստվել է կորոնավիրուսի դեմ, հայտնել է ընկերության ղեկավարն իր Twitter-ում։

«Ցանկանում եմ հայտնել, որ իմ մոտ կորոնավիրուսի թեստը դրական է եղել։ Ես երախտապարտ եմ, որ արդեն ստացել եմ Pfizer-BioNTech պատվաստանյութի չորս չափաբաժին և ինձ լավ եմ զգում»,- ասել է Բուրլան։ Նրա խոսքով, հիվանդության ախտանշանները թեթև են, ինքն ինքնամեկուսացել է և  սկսել է Paxlovid դեղամիջոցն ընդունել։

Բուրլան ավելի վաղ նախազգուշացրել էր, որ աշխարհին մոտենում է կորոնավիրուսային վարակի նոր ալիք։ Այս առնչությամբ նա կոչ էր արել բոլորին նորից պատվաստել եւ հիշեցրել օմիկրոն շտամի վտանգի մասին։ Pfizer-ի ղեկավարը նաև կարծում է, որ COVID-19-ի կանխարգելման և դրա դեմ պայքարի գոյություն ունեցող մեթոդները մարդկանց թույլ են տալիս «ապրել իրենց կյանքը»՝ չնայած մոտեցող կորոնավիրուսի նոր ալիքին։