Artsakhpress

Մշակույթ

Միլանում հայ դիզայներների նորաձևության ցուցադրությունը լայն արձագանք է ստացել տեղական և միջազգային մամուլում

Միլանում սեպտեմբերի 22-24-ն առաջին անգամ անցկացվել է «Տեքստիլ Ալյանս Հայաստան-Իտալիա» գործարար համաժողովը, որի շրջանակներում հայ դիզայներների նորաձևության ցուցադրությունը լայն արձագանք է ստացել տեղական և միջազգային մամուլում (այդ թվում՝ Harper’s Bazaar, Marie Claire, Elle, Fashion Week Online,The Spin-Off և այլ պարբերականներում):

Միլանում հայ դիզայներների նորաձևության ցուցադրությունը լայն արձագանք է ստացել տեղական և միջազգային մամուլում

Միլանում հայ դիզայներների նորաձևության ցուցադրությունը լայն արձագանք է ստացել տեղական և միջազգային մամուլում
ՍՏԵՓԱՆԱԿԵՐՏ, 26 սեպտեմբերի, ԱՐՑԱԽՊՐԵՍ։ Այս մասին տեղեկացրին ՀՀ էկոնոմիկայի նախարարությունից։
«Հայաստանի Հանրապետության համար 2022 թվականը կարևոր տարելից է, քանի որ երեսուն տարի առաջ հաստատվեցին դիվանագիտական հարաբերություններ Հայաստանի և եվրոպական մի շարք երկրների, այդ թվում՝ Իտալիայի միջև:
Վերջին երեսուն տարիների ընթացքում հայ-իտալական հարաբերությունները դրսևորվել են ոչ միայն դիվանագիտական և պաշտոնական հարթակներում, այն նաև մշակույթում, գրականության և, իհարկե, ձեռներեցության ոլորտներում:
Մասնավորապես մեծ հաջողություններ են գրանցվել տեքստիլի և հագուստի արտադրության ոլորտում հայ-իտալական համագործակցությունների ստեղծման և հետագա զարգացման շրջանակներում, ինչի մասին են վկայում մի շարք կայուն համագործակցություններ:
Հաշվի առնելով երկու երկրների միջև ձևավորված հարաբերություններն ու տեքստիլ ոլորտում հայ-իտալական փոխգործակցության զարգացման հնարավորությունները՝ ՀՀ էկոնոմիկայի նախարարության   նախաձեռնությամբ և ֆինանսական աջակցությամբ ընթացիկ տարվա սեպտեմբերի 22-24-ը առաջին անգամ անց է կացվել «Տեքստիլ Ալյանս Հայաստան-Իտալիա» գործարար համաժողովը և նորաձևության ցուցադրությունը:
Միջոցառման անցկացման համար ընտրված ժամկետը պատահական չէր, քանի որ նույն օրերին Միլանում անց էր կացվում համաշխարհային նորաձևության ամենակարևոր միջոցառումներից մեկը` Միլանի նորաձևության շաբաթը:
Եռօրյա միջոցառման անցկացման վայրը Միլանի պատմական Վիսկոնտիի պալատն էր: Միջոցառման ընթացքում տեքստիլի և նորաձևության ոլորտի հայ ներկայացուցիչները հնարավորություն ունեցան ներկայացնել իրենց արտադրանքը, կկազմակերպվեցին հանդիպումներ տեղական ընկերությունների, ինչպես նաև պոտենցիալ գործընկեր հանդիսացող մի շարք այլ կոմերցիոն կազմակերպությունների հետ»,- ասվում է հաղորդագրության մեջ:
Ըստ աղբյուրի՝ համաժողովին մասնակցել են շուրջ 15 գործարարներ, ովքեր մեծապես հետաքրքրված էին ծանոթանալ տեքստիլի և հագուստի արտադրության ոլորտում իտալական լավագույն փորձին:
Հայկական տեքստիլ ոլորտի արտադրական հնարավորությունները, շուկան և արտադրանքը ներկայացնելուց բացի, հայ գործարարները հնարավորություն են ունեցել նաև այցերի շրջանակներում ծանոթանալ Իտալիայի արտադրական հնարավորություններին:
«Համաժողովի բացմանը` սեպտեմբերի 22-ին, Միլանի Վիսկոնտիի պալատում, ողջույնի խոսքով հանդես եկան Իտալիայի Հանրապետությունում ՀՀ արտակարգ և լիազոր դեսպան Ծովինար Համբարձումյանը և ՀՀ էկոնոմիկայի փոխնախարար Ռաֆայել Գևորգյանը, ով իր խոսքում անդրադարձավ ՀՀ ինքնիշխան տարածքի նկատմամբ ադրբեջանական ռազմական ագրեսիային և դրա շուրջ միջազգային հարթակներում իրազեկման կարևորությանը: Փոխնախարարը  շեշտադրեց  երկրի անգնահատելի ներուժը թեթև արդյունաբերության և ստեղծարար ոլորտներում: 
«Էնթերփրայզ Արմենիայի» ներդրումների խթանման և արտաքին կապերի մենեջեր Աննա Հայրոյանը հանդես եկավ Հայաստանի ներդրումային շնորհանդեսով՝ իտալացի և հայ գործարարներին ներկայացնելով Հայաստանի Հանրապետությունում տեքստիլի ոլորտի ներդրումային հնարավորությունները, երկրի ներդրումային դաշտը, Իտալիա-Հայաստան առևտրաշրջանառության դինամիկան և միտումները:
Ելույթով հանդես եկավ նաև Իտալիայի նորաձևության ազգային պալատի պատվավոր նախագահ Մարիո Բոզելլին:  
Ներկայացվեց Էկոնոմիկայի նախարարության կողմից ստեղծված «Արտադրված է Հայաստանում» տեքստիլ գործարանների արտադրական հնարավորությունները ներկայացնող տեսահոլովակը, ինչպես նաև կայացան ընկերությունների միջև B2B ձևաչափով հանդիպումներ»,- հայտնում են ՀՀ էկոնոմիկայի նախարարությունից։ 
Նշվում է, որ միջոցառման երկրորդ օրը` սեպտեմբերի 23-ին, կազմակերպվել է դիզայներների հավաքածուների նորաձևության ցուցադրություն, որին ներկայացված էին 8 դիզայներների (Sončess, Faina, RUZANĒ, Ariga Torosian, Nelly Serobyan, LOOM Weaving, Vahan Khachatryan, Kivera Naynomis) նոր հավաքածուները:  «Ցուցադրությունից առաջ հայ դիզայներները ներկայացրել են տեսաուղերձ, որում խոսվում էր Ադրբեջանի գործողությունների, սպանված հայ կին զինծառայողի խոշտանգումների մասին: Այնուհետև հայ դիզայներները քայլել են շապիկներով, որոնց վրա գրված էր #StandwithArmenia (Կանգնե՛ք Հայաստանի կողքին): Շապիկների թեմատիկ նկարների հեղինակն արցախցի նկարչուհի Լիանան է: Նորաձևության ցուցադրությունը լայն արձագանք ստացավ տեղական և միջազգային մամուլում (այդ թվում Harper’s Bazaar, Marie Claire, Elle, Fashion Week Online,The Spin-Off և այլ պարբերականներում)»,- տեղեկացնում է ՀՀ էկոնոմիկայի նախարարությունը և հավելում, որ նույն օրը կազմակերպվել են գործարար այցեր իտալական տեքստիլ գործարաններ՝ տեխնոլոգիական և մասնագիտական հնարավորություններին ծանոթանալու և հումքի գործարաններ, մասնավորապես՝ կտորի, թելի, ֆուրնիտուրայի ֆաբրիկաներ: Մասնակիցները հնարավորություն են ունեցել նաև այցելել Միլանում անցկացվող հագուստի ամենամյա WHITE ցուցահանդես:

     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search