Artsakhpress

Ռազմական

Ավդուռ գյուղի շրջակայքում ադրբեջանական մարտական դիրքից կրակ է արձակվել գյուղատնտեսական աշխատանքներ կատարող տրակտորի ուղղությամբ. ՌԴ ՊՆ

Ռուսական խաղաղապահ զորախումբը շարունակում է իր առաքելությունն իրականացնել Լեռնային Ղարաբաղում: Արձանագրվել է հրադադարի ռեժիմի խախտման 1 դեպք։

Ավդուռ գյուղի շրջակայքում ադրբեջանական մարտական դիրքից կրակ է արձակվել գյուղատնտեսական աշխատանքներ կատարող տրակտորի ուղղությամբ. ՌԴ ՊՆ

Ավդուռ գյուղի  շրջակայքում ադրբեջանական մարտական դիրքից կրակ է արձակվել գյուղատնտեսական աշխատանքներ կատարող տրակտորի ուղղությամբ. ՌԴ ՊՆ
ՍՏԵՓԱՆԱԿԵՐՏ, 19 նոյեմբեր, ԱՐՑԱԽՊՐԵՍ: Այս մասին ասվում է ՌԴ ՊՆ հաղորդագրությունում:

«Մարտունու շրջանի Ավդուռ գյուղի շրջակայքում ադրբեջանական զինուժի դիրքերից հրաձգային զինատեսակներից կրակ է բացվել գյուղատնտեսական աշխատանքներ իրականացնող տրակտորի ուղղությամբ: Միջադեպի հետևանքով տուժածներ չկան։ Ռուսական խաղաղապահ զորախմբի հրամանատարությունը ադրբեջանական և հայկական կողմերի ներկայացուցիչների հետ փոխգործակցությամբ իրականացնում է նշված միջադեպի հետաքննությունը», - ասվում է ՌԴ խաղաղապահ զորակազմի ամենօրյա տեղեկագրում:
Դեպքի վերաբերյալ ավելի վաղ հաղորդագրություն էր տարածել Արցախի Հանրապետության ներքին գործերի նախարարությունը՝ տեղեկացնելով, որ  նոյեմբերի 18-ին ժամը 12:15-ին Հացի գյուղի 43-ամյա բնակիչ Իգոր Աբրահամյանը ոստիկանության Մարտունու շրջանային բաժին է դիմել այն մասին, որ Հացի գյուղի վարչական տարածքի «Կաղնուն տակ» կոչվող տեղամասում «Բելառուս» մակնիշի տրակտորով գյուղատնտեսական աշխատանքներ իրականացնելիս, հարակից ադրբեջանական մարտական դիրքից հրաձգային զինատեսակներից կրակ է արձակվել իր ուղղությամբ։

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Search