Գերմանիայի կանցլեր Օլաֆ Շոլցը հայտարարել է, որ Իրանը չպետք է միջուկային զենք ստեղծի և չպետք է ունենա այն կրելու միջոցներ։
Շոլցն ասել է, որ Իրանը չպետք է միջուկային զենք կամ դրանց համար հրթիռներ ստեղծի
ՍՏԵՓԱՆԱԿԵՐՏ, 26 նոյեմբեր, ԱՐՑԱԽՊՐԵՍ։ Panorama.am-ը գրում է, որ այդ մասին նա հայտարարել է ուրբաթ օրը Բեռլինում՝ Ֆրանսիայի վարչապետ Էլիզաբեթ Բորնի հետ համատեղ մամուլի ասուլիսում։
«Ինչ վերաբերում է ուրանի հարստացման Իրանի քաղաքականությանը, սա ևս մեկ անգամ ընդգծում է, թե որքան ճիշտ պետք է հնարավոր ամեն ինչ անել, որպեսզի Իրանը չստանա ո՛չ միջուկային ռումբեր, ո՛չ հրթիռ-կրիչներ, որոնք կարող են դրանք տեղափոխել»,-ասել է Շոլցը և հավելել. «Սա այն հիմնական քաղաքական նպատակներից մեկն է, որը Ֆրանսիան և Գերմանիան իրենց դաշնակիցների՝ Մեծ Բրիտանիայի և ԱՄՆ-ի հետ միասին հետապնդում են վերջին տարիներին: Եվ մենք դեռ հավատարիմ ենք դրան»:
Նա նաև նշել է, որ իրավիճակը բավականին բարդ է։
Այն մասին, որ Իրանը Ֆորդոում սկսել է ուրանի հարստացումը, երեքշաբթի հայտնել է ISNA լրատվական գործակալությունը։ Նրա խոսքով, համապատասխան որոշումն ընդունվել է ի պատասխան իրանական միջուկային ծրագրի վերաբերյալ ՄԱԳԱՏԷ-ի Կառավարիչների խորհրդի բանաձևին, որի նախագիծը մշակել են ԱՄՆ-ը և «Եվրաեռյակը»: Գործակալությունը նաև հաստատել է IR-2m և IR-4 ցենտրիֆուգների օգտագործումը Նաթանզում ուրանի հարստացման համար: