Ղազախստանում կայացել է Կասիմ-Ժոմարտ Տոկաևի երդմնակալության արարողությունը, որը երկրորդ անգամ ընտրվել է այդ երկրի նախագահի պաշտոնում։
Տոկաևը պաշտոնապես ստանձնել է Ղազախստանի նախագահի պաշտոնը
ՍՏԵՓԱՆԱԿԵՐՏ, 26 նոյեմբեր, ԱՐՑԱԽՊՐԵՍ։ Hetq.am-ի փոխանցմամբ, երդմնակալության արարողությունը կայացել է Աստանայի անկախության պալատում։
«Ղազախստանը կշարունակի իրականացնել բալանսավորված, կառուցողական արտաքին քաղաքականություն, որն ուղղված է ազգային շահերի պաշտպանությանը։ Առաջնահերթ ուշադրության կենտրոնում կլինեն փոխշահավետ համագործակցությունը և ռազմավարական գործընկերությունը հարևան պետությունների՝ Ռուսաստանի, Չինաստանի և Կենտրոնական Ասիայի եղբայրական երկրների, ինտեգրացիոն միավորումներում գործընկերների հետ»,- հայտարարել է Տոկաևը։
Վերջինիս խոսքով՝ Ղազախստանը նաև բոլոր ջանքերը կներդնի ԱՄՆ-ի, Եվրամիության, Ասիայի երկրների, Մերձավոր Արևելքի և Հարավային Կովկասի հետ հետ բազմակողմ համագործակցության զարգացման ուղղությամբ, ինչպես նաև հետաքրքրված բոլոր երկրների հետ։ Տոկաևը նշել է, որ Ղազախստանը հավատարիմ է մնում ժամանակակից միջազգային իրավունքին և ՄԱԿ-ի կանոնադրությանը։
«Ղազախներն իրենց ավանդույթներին հավատարիմ ժողովուրդ են։ Սուրբ Մեքքայում, Քաաբայի մոտ ի հիշատակ մեր նախնիների Ղուրան կարդալով, ես Բարձրյալին խնդրեցի միայն մեկ բանի՝ մեր երկրի բարեկեցության մասին»,- իր ելույթն ավարտել է Ղազախստանի վերընտրված նախագահը։