Ընթացիկ տարվա նոյեմբերի 1-ից մինչև 30-ն ընկած ժամանակահատվածում Արցախում կատարվել է ընդհանուր 1048 թեստավորում, որի արդյունքում հաստատվել է կորոնավիրուսային հիվանդության 55 դրական դեպք։
Արցախում անցած ամիս կատարված 1048 թեստավորման արդյունքում կորոնավիրուսային հիվանդության 55 դրական դեպք է հաստատվել
ՍՏԵՓԱՆԱԿԵՐՏ, 2 դեկտեմբերի, ԱՐՑԱԽՊՐԵՍ։ Այս մասին տեղեկացրել են Արցախի Հանրապետության առողջապահության նախարարությունից՝ հավելելով, որ կորոնավիրուսային հիվանդությամբ այս պահին ստացիոնար բուժում է ստանում 2 հիվանդ, իսկ թեթև ձևերը ամբուլատոր բուժում են ստանում տնային պայմաններում։
Այս տարվա հունվարի 1-ից մինչև նոյեմբերի 30-ն ընկած ժամանակահատվածում Արցախում կատարվել է ընդհանուր 20155 թեստավորում, որի արդյունքում հաստատվել է կորոնավիրուսային հիվանդության 4208 դրական դեպք։
Արցախի Հանրապետության առողջապահության նախարարությունը կրկին հորդորում է հետևել բոլոր ցուցումներին և պահպանել հակահամաճարակային կանոնները:
«Հաճախակի լվացեք ձեռքերն օճառով և ջրով, կամ մաքրեք ալկոհոլային հիմքով՝ ախտահանիչով,
Հազալիս և փռշտալիս փակեք բերանը և քիթը անձեռոցիկով, օգտագործված անձեռոցիկը գցեք աղբամանը,
Գրիպանման երևույթների առկայության դեպքում մի՛ զբաղվեք ինքնաբուժությամբ և դիմեք բժիշկ»,-ասված է գերատեսչության տարածած հաղորդագրության մեջ:
